Biblia Todo Logo
Bib sou entènèt

- Piblisite -




Mitengo 28:2 - Bhiblia Yo Sawuleka

2 Leleta vanana va ka Israyeli, u txi kawe kwawe: Ni neheleni mningelo wo hiswa ngu mbimo ya wona, awu i ku kudya kwangu ko bhumula.

Gade chapit la Kopi




Mitengo 28:2
32 Referans Kwoze  

Se mphaxeli a na si hisa sotshe ha txiluveloni; nzakudya sa mningelo wo hiswa ka Mkoma.


Se Mkoma a to hefemula, a txi pfa kubhumula, a txi khene kha Mkoma mbiluni kwakwe: “Ani kha ni na mbi ngadi ni ruketela ditiko ngu mhaka ya m'thu, nguko mipimiso ya mbilu ya m'thu njo biha, kukhukhela wananani kwakwe; kha ni na mbi ngadi ni daya kambe sotshe sivangwa si si hanyako, kufana ni ti ni nga ti maha.


Ngu toneto, sotshe ni naso, so tala si sala. Ni taletwe ngu ku ni nga amukela manzani ka Epafrodhito asi mi nga ni rumela, matolo o bhumula ta tinene, mhamba yo amukeleka ni kutsakisa Txizimu.


Se tsimbilani ngu lirando, kufana ni Kristu, na nanu vanani ni lirando, nguko Ene a mi randile. Ene a ti ningete apune ngu kota yathu, a txi ti maha gandelo ni mhamba yo bhumula ya kutsakisa Txizimu.


Nguko, athu hi kubhumula ka kunene ka Kristu masoni ka Txizimu, kubhumula ku ku hangalakako hagari ka vale va hanyiswako ni ka vale va lovako.


Aniko anu ma di nyenyezisa, ngako mi txi khanu: Meza ya Mkoma yi nyenyezile, ni siya sa yona, sakudya sa kona, sa eyiseka.


Mi ningela sakudya sa nzabwa ka txiluvelo txangu, se mi txi khanu: Hi ku nyenyezisile ngu txani kani? Ka ti mi wombako mi txi khanu: Meza ya Mkoma ya eyiseka.


Ni na tsakiswa ngu kubhumula ka miphaxo yanu, mbimo yi ni no mi thavisa hagari ka vathu, ni txi mi wuyisa ngu ka matiko ale mi nga hangalaka ka ona, se ni na sawulekiswa ngu nganu, masoni ka matiko.


Dipawu dangu dile ni nga kuninga, ni mpupu, ni mafura ni wulombe, asi ni nga txi kudyisa sona, kambe u vekile kubhumula masoni ka sona; ti mahisile eto, kuwomba Mkoma Txizimu.


Vetani mpundu wa kutsakela kumeka ka mtxima mi txi veta kambe ngu ditshiku da mtxima wa ngoma, i ku ditshiku da m'buso wathu wa hombe!


Ngako i di kuonha ngu phazamo, na msengeletano wu sa nga tiziva, se wotshe msengeletano wu na ningela didhuna da mningelo wo hiswa, wo bhumula, masoni ka Mkoma, ni mningelo wa sakudya, ni sa kusela, madingano ni txileleto txa kona; msengeletano wu na ningela ni mabhongwe, kasi kumaha mphaxo wa kona.


amu ka mpimo wa wuraru wa hini wa vhinya, kasi kumaha mningelo wa sa kusela, u na ningela ngu so bhumula, asi si tsakisako Mkoma.


mi humisa mningelo ka Mkoma, mphaxo wo hiswa, mwendo mhamba yo tatisa txixambanyo, mwendo ku ngava mningelo wa kuranda kwanu, ngu mixuvo yo lava kuningela ka Mkoma mningelo wo bhumula, ngu tinvuta, mwendo tihomu ta mikati;


Kambe ngako m'thu a di sawulekile, a sa nga enda e leka kudya Pasika, eyo m'thu a na tutumiswa ka va ka kwawe, nguko kha nga humisa mningelo wa Mkoma ngu mbimo ya wona, eyo m'thu a na rwala mnandu wakwe apune.


Se vavamna vale va to kha vona: Hi nyenyezisilwe ngu txirumbi txa m'thu, ina hi na tsimbwa kuningela mningelo ka Mkoma, ngu txikhati txi nga emiswa ka vanana va ka Israyeli kani?


Ngu toneto, u fanete kuziva ti to i m'thu wo sawuleka, nguko mthumo wakwe ngu kumaha mningelo wa sakudya ka Mkoma. Ziva taku mbwo sawuleka, nguko ani ni sawulekile, ani ni Mkoma, ni wo sawuleka, ani ni nga mi sawula, kasiku mi txi maha vo sawuleka.


Vaphaxeli va fanete kuva vo sawuleka masoni ka Txizimu txawe, va nga nyenyezise ditina da Txizimu txawe, nguko ngu vona va mahako mningelo wo sawuleka ka Mkoma, i ku sakudya sa Txizimu txawe, va fanete kuva va di sawulekile kuhanyani kwawe.


txinyana txiya, a na txi bhanda ngu hagari ka mabhapi, aniko asi txi tshaputi; se mphaxeli a na txi hisa txiluveloni, txitimwi ka tikhuni ti ti ku ha mndiloni; i mhamba yo hiswa, mningelo wo fanela kuhiswa, wa kubhumula ko tsakisa Mkoma.


Kambe ku na kuwulwa masembe ni maswondo, se ngu msana mphaxeli a na maha mningelo ngu sotsheso, ngu ku si hisa ha txiluveloni. I mhamba yo hiswa, mningelo wu fanelako kuhiswa, kasi kutsakisa Mkoma, ngu kubhumula ka wona.


Kambe va fanete kukuwula masembe ni maswondo a kona; se mphaxeli a na hisa sotshe siya ha txiluveloni; i mhamba yo hiswa, ya kubhumula ko tsakisa Mkoma.


Ngu toneto, u na hisa hamba yotshe ha txiluveloni; mningelo wa kuhiswa wo lumba Mkoma, wo bhumula, mningelo wuwa mbwo mahela Mkoma.


U na vekisa M'buso wa Mapawu o mbi Tshumbelwa. Amu ka mtxhanu wa masiku ni mambidi u na dya mapawu o mbi tshumbelwa, nga ti ni nga kuleletelisa tona, ka mbimo yi yi nga emiselwa, amu ka mtxima wa Abhibhi, nguko ngu wonewo mtxima u nga huma ngu wona ditikoni ka Egipta. Ni wammweyo a nga sikote kuhumelela masoni kwangu a sa ñola txilo;


Mkoma a to womba kambe ka Mosi, a txi khene:


Se va to tsanisa txiluvelo aha ka sitsikareto sa kona, nguko kuthava ku ti ti txitimwi kwawe, ngu mhaka ya vathu va matiko; kambe va to ningela kona miphaxo yo hiswa ka Mkoma, miphaxo yo hiswa mixo ni minova.


Awu mthumo, mi na wu mahela Mkoma, ka mipipi yanu ya hombe, hahanze ka kuxambanya kwanu, ni miningelo ya kuranda kwanu, miphaxo yanu yo hiswa, ni miningelo yanu ya sakudya, ni sa kusela sa kona, ni miningelo yanu ya kudikha.


va txi ningela mningelo wa kuhiswa, ka Mkoma, ngu migivhela ni kumeka ka mtxima, ni ka mipipi, ngu mtengo wa kona, madingano ni sihena sawe, masiku otshe masoni ka Mkoma;


Se Joyadha a to veka vaxayisi Nyumbani ka Mkoma, ve va hahatshi ka vaphaxeli, Valevhi vale Dhavhidha a nga va veka Nyumbani ka Mkoma, kasi kuningela mphaxo wo hiswa ka Mkoma, madingano ni tile ti nga bhalwa amu ka Mlayo wa Mosi, ngu kutsaka ni kuembelela, madingano ni kuleleta ka Dhavhidha.


A to katekisa txyavelo txa thomba ya mfumeli txi maha mhamba yo hiswa mixo ni minova, ni mhamba yo hiswa ngu m'longiso ni m'buso wa kumekani ka mtxima, madingano ni ti ti nga bhalwa amu ka Mlayo wa Mkoma.


Se Jesuwa mwana Jezadhake, ni vanawe, ni vaphaxeli, ni Zorobhabheli, mwana Sealtiyeli, ni vanawe, va to aka txiluvelo txa Txizimu txa Israyeli, txo ningelela kona miphaxo, nga tile ti nga bhalwa Mlayoni ka Mosi, m'thu wa Txizimu.


Kambe hi xaxuvile tixolo hagari ka vaphaxeli, va ka Levhi ni vathu, xungetano ni mningelo wa tikhuni tile ti di no tiswa Nyumbani ka Txizimu txathu, madingano ni tinyumba ta vatate vathu, ka timbimo tile ti nga sungwa, ka dilembe ni dilembe kasi ku ta dhivelwa txitimwi ka txiluvelo txa Mkoma, Txizimu txathu, madingano ni tile ti nga bhalwa dibhukuni da Mlayo.


Kambe miningelo yiya yo hiswa, yi na va manzani ka mthangeli, ni miningelo ya sakudya, ni sa kusela, amu ka mipipi, ni kumeka ka mtxima, ni Masabbata, ni ka yotshe mipipi ya nyumba ya ka Israyeli; i nava wa kudivalela sionho, ni mningelo wa sakudya, ni mningelo wa kuhiswa, ni mphaxo wa kudikha, kasi kukuwula sionho sa nyumba ya ka Israyeli.


Swiv nou:

Piblisite


Piblisite