Mitengo 28:19 - Bhiblia Yo Sawuleka

¹⁹ Se mi na ningela mningelo wa kuhiswa, ka Mkoma, marole mambidi ni hamba, ni mtxhanu wa sinvutana sa dilembe dimwedo; sa kwa mbi na sibawa.

Mitengo 28:19 Referans Kwoze

Dhewuteronome 15:21

Ngako txifuyo txako txi di ni wulima wokari, txi txi nzoda mwendo txi di fite maso, hambi kuva ni wumwani wulima wa hombe, u nga txi ningele ka Mkoma, Txizimu txako ha txiluveloni.

Mitengo 29:8

Kambe mi na ningela mphaxo wa kuhiswa, wo bhumula, ka Mkoma, i ku dirole, ni hamba, ni mtxhanu wa sinvutana ni simbidi, sa dilembe dimwedo; si singako ni sibawa.

Mitengo 28:31

Hahanze ka mphaxo wa kuhiswa wa yotshe mbimo, ni mningelo wa kona wa sakudya, mi na si ningela ( si si nga ni sibawa), ni sa kusela sa kona.

Levhi 22:20

Mi nga thuke mi txi ningela txihari txi txi ku ni wulima, nguko Mkoma kha na mbi wu amukela mningelowo.

1 Pedro 1:19

aniko, mi tirutwe ngu mnoha wa lisima wa Kristu, wu wu fanako ni wa Txinvutana txo mbi na wulima mwendo txibawa;

Mitengo 28:20

Kumweko ni mningelo wa sakudya, i ku mpupu wo kanyangelwa ni mtona; mi na ningela mpimo wa wuraru ka digumi, ngu dirole, ni mpimo wa wuraru ka digumi, ngu hamba.

Levhi 1:3

Ngako a txi lava kuningela i ti mphaxo wo hiswa ka Mkoma ngu txihari txa hombe, a fanete kusawula matune wa kwa mbi na txibawa, e di yisa ha txikeni ka ditenda da msengeletano, kasiku eya mana kuamukeleka masoni ka Mkoma.

Dhewuteronome 16:2

Sekoko u nga mahele Mkoma, Txizimu txako, Pasika, u txi daya tinvuta ni tihomu, ka wukhalo wule Mkoma, Txizimu txako, a no wu sawula, kasi ku di zumba kona ditina dakwe.

2 Makronika 35:12

Va to veka ngu didhawa mningelo wo hiswa kasi kuve ninga vanana va vathu madingano ni tinyumba ta vatate, kuva txi ningela ngu sona ka Mkoma madingano ni ti ti nga bhalwa amu ka dibhuku da Mosi; va to maha toneto ngu tihomu ni tona.