Mitengo 28:11 - Bhiblia Yo Sawuleka

¹¹ Se makhatoni ka mtxima ni mtxima, mi na ningela ka Mkoma mphaxo wa kuhiswa, wa marole mambidi, ni hamba, kumweko ni mtxhanu wa sinvutana ni simbidi sa dilembe dimwedo, sa kwa mbi na sibawa.

Mitengo 28:11 Referans Kwoze

Mitengo 10:10

Atiya, ti maheni hambi ka masiku a mibuso yanu ya kutsaka, kukhatani ka mtxima mi na veta mipundu, mbimo yi mi ningelako miphaxo yanu ya kuhiswa ni ya kubonga, kasi ku Txizimu txi mi alakanya. Nguko ngani Mkoma, Txizimu txanu.”

Ezekhiyele 46:6

Aniko ka ditshiku da kumeka ka mtxima, i nava dirole da kwa mbi na txibawa, ni mtxhanu wa sinvutana ni tximwetxo, ni hamba yimweyo; sa kwa mbi na sibawa.

Vakolosa 2:16

Ngu toneto, m'thu a nga thuke a txi mi abanisa ngu mhaka ya kudya mwendo kusela, mwendo mibuso, kutsakela kumeka ka mtxima mwendo Masabbata.

Hoseya 2:11

Se na heta kutsaka kwakwe kotshe, ni mibuso yakwe, ni kumeka ka mitxima yakwe, ni Masabbata akwe, ni yotshe mibuso yakwe.

Ezra 3:5

se msana keto, kusimama mphaxo wo hiswa, ni yile ya kumeka ka mtxima, ni ya yotshe mipipi yo sawuleka ka Mkoma, hambi ya ni wuhi a nga ningela ka Mkoma, ngu kuranda kwakwe.

2 Makronika 2:4

Wonani ku ni lava kuakela nyumba ditina da Mkoma, Txizimu txangu, kasi ku ni na mu dhumisa, ni ku m'hisela dibaselo do bhumula, ni kuveka dipawu da masiku otshe, ni mningelo wo hiswa wa mixo ni wa mitshikari, ni wa Masabhata, ni wa mitxima ya yiphya, ni mibuso ya Mkoma Txizimu txathu; i ku fanelo ya va ka Israyeli ya mbimo yotshe.

1 Makronika 23:31

va txi ningela mningelo wa kuhiswa, ka Mkoma, ngu migivhela ni kumeka ka mtxima, ni ka mipipi, ngu mtengo wa kona, madingano ni sihena sawe, masiku otshe masoni ka Mkoma;

1 Samuwele 20:5

Dhavhidha a to khene ka Jonatani: Wona taku mangwana ngu meka ka mtxima wa wuphya, ditshiku di ni tolovelako ku khalahatshi ni mfumeli hi txidya; ni leke ni tsula, aniko ni na ya barama thembweni, kala ka minova ya ditshiku da wuraru.

Vakolosa 2:6

Ngu toneto, kufana ni ku mi nga amukela Mkoma Kristu Jesu, hanyani mi di txilo tximwetxo nayo;

Vagalatiya 4:10

Ma vekisa kha kwati masiku ni mitxima ni tinguva ni malembe.

Amosi 3:5

Txinyana txi nga wa hahatshi ku si nga ni txo txi riyela ngu txona kani? Txi nga ti heleketa hahatshi ka mlawu na kusina txo ya rola kani?

Ezekhiyele 46:1

Mkoma Txizimu a khene: Txike txa mtendela wa mndani, txa kurendekela wutxani, txi na sekwa mndani ka mtxhanu wa masiku ni dimwedo a mthumo; aniko ka ditshiku da Sabbata txi na tulwa; txi tulwa kambe ngu ditshiku da kumeka ka mtxima.

Isaya 66:23

Se ku na maheka taku, kukhukhela ka M'buso wa Kumeka ka Mtxima, kala ka wumwani, ni kukhukhela ka Sabbata kala ka yimwani, va nata votshe vathu, ve ta khozela masoni kwangu, kuwomba Mkoma.

Masalmo 81:3

Vetani mpundu wa kutsakela kumeka ka mtxima mi txi veta kambe ngu ditshiku da mtxima wa ngoma, i ku ditshiku da m'buso wathu wa hombe!

Masalmo 40:8

Ni tsaka ngutu ngu kumaha kuranda kwako, Txizimu txangu; Mlayo wako wu mndani ka mbilu yangu!

Masalmo 40:6

Awe khu naveli timhamba ta sihari mwendo ta mitxelo ya mafu, khu vileli kambe timhamba to hiswa, to dihela sionho.

Nehemiya 10:33

kuva txa mapawu a txikombiso, ni mningelo wa sakudya sa ditshiku ni ditshiku, ni wa kuhiswa wa mlongiso, ni wa mitxima ya yiphya, ni wa mibuso ya kudikha, ni wa siya so sawuleka, ni wa miningelo wa sionho, kasi kudivalela va ka Israyeli, ni wotshe mthumo wa Nyumbani ka Txizimu txathu.

2 Vafumeli 4:23

Se mwamna wa kona a to khene: Kasi wo ya bhula txani nayo nyamsi kani? Hi nga kumeka ka mtxima, hi nga Sabbata. Wamsikati a to khene, kha ku na txikarato txa txilo.

Mitengo 28:19

Se mi na ningela mningelo wa kuhiswa, ka Mkoma, marole mambidi ni hamba, ni mtxhanu wa sinvutana sa dilembe dimwedo; sa kwa mbi na sibawa.

Levhi 1:3

Ngako a txi lava kuningela i ti mphaxo wo hiswa ka Mkoma ngu txihari txa hombe, a fanete kusawula matune wa kwa mbi na txibawa, e di yisa ha txikeni ka ditenda da msengeletano, kasiku eya mana kuamukeleka masoni ka Mkoma.

Levhi 1:9

Kambe va fanete kukuwula masembe ni maswondo a kona; se mphaxeli a na hisa sotshe siya ha txiluveloni; i mhamba yo hiswa, ya kubhumula ko tsakisa Mkoma.

Levhi 1:13

Kambe ku na kuwulwa masembe ni maswondo, se ngu msana mphaxeli a na maha mningelo ngu sotsheso, ngu ku si hisa ha txiluveloni. I mhamba yo hiswa, mningelo wu fanelako kuhiswa, kasi kutsakisa Mkoma, ngu kubhumula ka wona.

1 Samuwele 9:12

Se mahorana ma to xamula ma txi kha ona: Ina, ndiyo hawa masoni kwako; Kuluveta koko, nguko nyamsi a tile didhoropani muwa, nguko vathu nyamsi va maha mhamba ka wukhalo wo guleka.

2 Makronika 8:13

e ningela mphaxo wa ditshiku ni ditshiku, madingano ni sirumo sa Mosi, ngu milongiso, ni ka mtxima wa wuphya, ni ya mibuso yo mahwa kuraru ngu dilembe ni m'buso wa dipawu do mbi tshumbelwa, ni m'buso wa Mavhiki, ni ka m'buso wa matenda.

Ezekhiyele 46:7

Mthangeli a na lulamisa efa yimweyo kasi ku va mningelo wa sakudya ngu dirole dimwedo, ni efa yimweyo ngu hamba, aniko ngu sinvutana, a na ninga si a no si mana manzani kwakwe; ni hini yimweyo ya mtona ngu efa yimweyo.

Amosi 8:5

Mi txi khanu: U na pinda ditshiku muni m'buso wa kumeka ka mtxima, kasi ku hi txi na mana kuxavisa timbewu kani? Ni Sabbata ku hi na tula sizenda sathu sa fulaho, hi hungula efa, hi engetela mtengo wa mxavo, hi thumisa ngu kunemela sikalo so kanganyisa.

2 Makronika 2:3

Solomoni a to rumela dipswi ka Hiramu, mfumeli wa Tiro, a txi khene: Ngako u nga rumela tate wangu mikedhari yo aka ngu yona nyumba yo e zumba ka yona, ni mahele toneto nani.

Masalmo 81:4

Atiya, mlayo wa vanana va ka Israyeli, i mthetho wa Txizimu txa Jakobe.