Mitengo 28:1 - Bhiblia Yo Sawuleka

¹ Mkoma a to womba kambe ka Mosi, a txi khene:

Mitengo 28:1 Referans Kwoze

Mitengo 27:23

Se txitimwi kwakwe, a to sanzeka manza, e mninga mlayo, nga ti Mkoma a nga leletisa tona, ngu dianza da Mosi.

Mitengo 28:2

Leleta vanana va ka Israyeli, u txi kawe kwawe: Ni neheleni mningelo wo hiswa ngu mbimo ya wona, awu i ku kudya kwangu ko bhumula.

Levhi 9:15

Ngu msana kambe, Aroni a to tisa mningelo wa vathu votshe. A to wila thamo ya mabhongwe, wu vathu va nga ningela kasi thavisa txionho, e maha mhamba yakwe, nga tonti a nga maha kukhatani.

Mitengo 7:15

dirole da matune, ni txinvutana tximwetxo txa matune, txa dilembe dimwedo ni hamba, kasi kumaha mningelo wo hiswa;

1 Makronika 23:31

va txi ningela mningelo wa kuhiswa, ka Mkoma, ngu migivhela ni kumeka ka mtxima, ni ka mipipi, ngu mtengo wa kona, madingano ni sihena sawe, masiku otshe masoni ka Mkoma;

2 Makronika 2:4

Wonani ku ni lava kuakela nyumba ditina da Mkoma, Txizimu txangu, kasi ku ni na mu dhumisa, ni ku m'hisela dibaselo do bhumula, ni kuveka dipawu da masiku otshe, ni mningelo wo hiswa wa mixo ni wa mitshikari, ni wa Masabhata, ni wa mitxima ya yiphya, ni mibuso ya Mkoma Txizimu txathu; i ku fanelo ya va ka Israyeli ya mbimo yotshe.

2 Makronika 8:13

e ningela mphaxo wa ditshiku ni ditshiku, madingano ni sirumo sa Mosi, ngu milongiso, ni ka mtxima wa wuphya, ni ya mibuso yo mahwa kuraru ngu dilembe ni m'buso wa dipawu do mbi tshumbelwa, ni m'buso wa Mavhiki, ni ka m'buso wa matenda.

2 Makronika 23:18

Se Joyadha a to veka vaxayisi Nyumbani ka Mkoma, ve va hahatshi ka vaphaxeli, Valevhi vale Dhavhidha a nga va veka Nyumbani ka Mkoma, kasi kuningela mphaxo wo hiswa ka Mkoma, madingano ni tile ti nga bhalwa amu ka Mlayo wa Mosi, ngu kutsaka ni kuembelela, madingano ni kuleleta ka Dhavhidha.

2 Makronika 31:3

A to katekisa txyavelo txa thomba ya mfumeli txi maha mhamba yo hiswa mixo ni minova, ni mhamba yo hiswa ngu m'longiso ni m'buso wa kumekani ka mtxima, madingano ni ti ti nga bhalwa amu ka Mlayo wa Mkoma.

Ezra 6:9

Se ku txi laveka marole, sinvutana sa vamatune ni vamakati, kuva si txi na hiselwa Txizimu txa nzumani, fulaho, mnyu, vhinya ni mtona, madingano ni txitoloveto txa vaphaxeli vale va ku Jerusalema, va na ningwe ditshiku ni ditshiku, ku va va si pwati txilo.

Nehemiya 10:33

kuva txa mapawu a txikombiso, ni mningelo wa sakudya sa ditshiku ni ditshiku, ni wa kuhiswa wa mlongiso, ni wa mitxima ya yiphya, ni wa mibuso ya kudikha, ni wa siya so sawuleka, ni wa miningelo wa sionho, kasi kudivalela va ka Israyeli, ni wotshe mthumo wa Nyumbani ka Txizimu txathu.

Isaya 1:13

Mi nga tiseni kambe mningelo wanu wa kwa mbi vhuna txilo; dibaselo danu da ni nyenyeza, ni mibuso ya kumeka ka mtxima, ni ya Masabbata, ni kuramba ka mi msengeletano; kha ni na ku timisela kuwona kubiha ka misengeletano yo sawuleka.

Ezekhiyele 44:24

Ngako ku ti ni mahungu, va na ma lamula; va na ma lamula ngu malamulelo angu; ngu milayo yangu ni sileleto sangu, va na vekisa yotshe mipipi yangu, va na sawulekisa Masabbata angu.

Ezekhiyele 45:17

Kambe miningelo yiya yo hiswa, yi na va manzani ka mthangeli, ni miningelo ya sakudya, ni sa kusela, amu ka mipipi, ni kumeka ka mtxima, ni Masabbata, ni ka yotshe mipipi ya nyumba ya ka Israyeli; i nava wa kudivalela sionho, ni mningelo wa sakudya, ni mningelo wa kuhiswa, ni mphaxo wa kudikha, kasi kukuwula sionho sa nyumba ya ka Israyeli.

Ezekhiyele 46:11

Amu ka mibuso, ngu mbimo ya mipipi, ku nava mningelo wa sakudya wa efa yimweyo, ka dirole dimwedo, ni efa yimweyo ka hamba yimweyo; aniko ngu txinvutana, a na ningela si a no si mana; ngu mtona i nava hini yimweyo ka efa yimweyo.

Vagalatiya 4:10

Ma vekisa kha kwati masiku ni mitxima ni tinguva ni malembe.

Vakolosa 2:16

Ngu toneto, m'thu a nga thuke a txi mi abanisa ngu mhaka ya kudya mwendo kusela, mwendo mibuso, kutsakela kumeka ka mtxima mwendo Masabbata.