Mitengo 27:3 - Bhiblia Yo Sawuleka

³ Tate wathu a fite txiwulani, na a si nga hagari ka msengeletano wa va va nga sengeletana, ve hambana ni Mkoma, ka msengeletano wa Kora, kambe a fite asi nga ni mwanana, ka txionho txakwe apune.

Mitengo 27:3 Referans Kwoze

Ezekhiyele 18:4

Wonani taku yotshe mihefemulo njangu; nga kule muhefemulo wa tate i ku wangu, muhefemulo wa mwanana ni wona mbwangu; muhefemulo wule wu no onha, ewo wu na fa.

Mitengo 14:35

Ngani Mkoma ni wombako, ni na mahisa tonti ka msengeletano wu wo biha, awu wu tshanganako, kasi ku ni sola ni ku ni wukela. Votshe va na guma txiwulani ngu kufa.

Varoma 6:23

Nguko txhatxhazelo ya txionho ngu kufa. Kambe txiningo txa Txizimu ngu wutomi wo mbi na magwito, ngu ka Kristu Jesu Mkoma Wathu.

Varoma 5:21

ti to ngako kuonha ku nga fuma ngu lifo, kateko ni yona yi fanela kufuma ngu kululama ku ku yisako ka wutomi wo mbi guma, ngu Jesu Kristu Mkoma Wathu.

Varoma 5:12

Ngu kota yeto, ngako txionho txi nga wulela ha ditikoni ngu mhaka ya m'thu wammweyo, ngu msana ku txi wulela lifo, ngu toneto lifo nilona li wulelete votshe vathu, nguko votshe va onhile.

Johani 8:24

Ngu toneto, ni nga mi gela ni txi khani: ‘Mi na fela sionhoni kwanu’, nguko, ngako mi si kholwi ti to ‘Ngani wuwa’, mi na fela sionhoni kwanu.”

Johani 8:21

Jesu a to tshumela a txi va gela ku khene: “Ani na tsula, se mi na ni lava, aniko mi na fela txionhoni kwanu. Amu ni yako kona, anu kha mi na kusikota kuta.”

Mitengo 26:33

Kambe Zelofeyadhi, mwana Hefera, kha ngava ni vanana va majaha, a ti ka sova ni vanana vamahorana dwe; matina awe i ku awa: Makla, Nowa, Hogla, Milka ni Tiriza.

Mitengo 16:49

Ava va ngafa ngu mtunguwo i 14.700, kuleka va va ngafa ngu mhaka ya Kora.

Mitengo 16:19

Se Kora a to tshanganisa msengeletano wa vathu vakwe votshe, ha txikeni ka ditenda da msengeletano, konaho kuphatima ka Mkoma ku to woneka masoni ka wotshe msengeletano.

Mitengo 27:2

se va to ya ema masoni ka Mosi, ni masoni ka Eleyazari, mphaxeli, ni masoni ka vathaveli, ni ka wotshe msengeletano, ka ditimba da ditenda da msengeletano, va txi kha vona:

Mitengo 27:4

Aku tate a nga mbi va ni vanana, ditina dakwe di na thaviswa hagari ka m'ti wakwe kani? Hi nigeni wukhalo wu wu no va wathu, hagari kwathu.