Mitengo 27:21 - Bhiblia Yo Sawuleka

²¹ Se a na vekwa masoni ka Eleyazari, mphaxeli wu ni no mtisa ka Urime, masoni ka Mkoma; nga ti a nga womba, va na huma; ni ku nga ti a nga ti womba ve wulela, ene ni votshe vanana va ka Israyeli, ni wosthe msengeletano.

Mitengo 27:21 Referans Kwoze

1 Samuwele 28:6

Se Sawule a to wotisa ka Mkoma, kambe Mkoma kha mxamula, hambi ngu miloro, mwendo ngu tixolo, hambi ngu vaprofeti.

Joxuwa 9:14

Sekoko va ka Israyeli va to teka timbuva ta va ka Gibheyoni, aniko kha va kombela wusungukati ka Mkoma.

Eksodha 28:30

Aha ka txyambalo txa hakhana txo ambala ka mbimo yo lamula u na veka Urime ni Tumime, kasiku si txi maneka hakhana ka Aroni, ngako a txi ya masoni ka Mkoma. Ngu mhaka yeto, Aroni a na va a txi veka amu mbiluni kwakwe, masoni ka Mkoma, mapimo a vanana va ka Israyeli, kala kupinduka.

Nehemiya 7:65

Se mtirsa a to va gela ti to va nga dye so sawuleka, kala kuza kumaneka mphaxeli, a di ni Urime ni Tumime.

Ezra 2:63

Se mfumeli kha va tumela ti to vedya sile so sawuleka, kala kuza kumaneka mphaxeli a di ni Urime ni Tumime.

1 Samuwele 30:7

Se Dhavhidha a to khene ka mphaxeli Abhiyatari, mwana Ayimeleki: Na ku kombela, ni tisele efodhe hawa. Se Abhiyatari a to tisa efodhe ka Dhavhidha.

1 Samuwele 23:9

A di ti zivile koko, Dhavhidha ti to Sawule wa maha makungo o biha o mwukela, a to khene ka Abhiyatari, mphaxeli: Tisa efodhe ahawa!

Valamuli 20:23

Se vanana va ka Israyeli va to kwelela, va txi ya dila masoni ka Mkoma kala ni minova, va txi wotisa ka Mkoma, va txi kha vona: “Ina hi nga tshumela kambe hi yalwa ni vanana va ka Bhenjamini, vona va i ku vanathu kani?” Se Mkoma a to kha ene: “Tsulani mi txi yalwa navo!”

Valamuli 20:18

Se vanana va ka Israyeli va to khukha, va txi kwelela Bheteli, veya wotisa ka Txizimu, va txi kha vona: “I mani hagari kwathu a no thangela e kwela ku yalwa ni va ka Bhenjamini kani?” Se Mkoma a to khene: “I Judha a no khata ene e kwela.”

Valamuli 1:1

Se ku to maheka taku msana ka kufa ka Joxuwa, vanana va ka Israyeli, va to wotisa ka Mkoma, va txi kha vona: I mani hagari kwathu a no khata ene e kwela, a txi ya ka Vakanana, ku yalwa navo kani?

Dhewuteronome 33:8

Ngu didhawa da Levhi, ene a ti khene: Simaha sako so sawuleka sa Tumime ni Urime, si ningetwe ka msawuleki walo, awule a nga m'duka kona Masa, awule u nga kanetisana nayo matini ka Meribha;

Mitengo 27:17

e huma masoni kwawe, e wulela masoni kwawe, e va maha ve huma, ni ku va maha ve wulela, kasi ku msengeletano wa Mkoma, wu si nga tinvuta to pwata m'dyisi.

Levhi 8:8

Msana keto, a to muambeka nguwo ya hakhana, e veka ka nguwo ya hakhana Urime ni Tumime;

Mitengo 27:5

Se Mosi a to teka timhaka e ti veka masoni ka Mkoma.

Mitengo 27:20

U veka wudhumo wako tximwi kwawe, ti to wotshe msengeletano wa vanana va ka Israyeli ve mxonipha.

Mitengo 27:22

Se Mosi a to maha nga ti Mkoma a nga m'gelisa tona; e teka Joxuwa eya mkombisa masoni ka Eleyazari, mphaxeli, ni masoni ka wotshe msengeletano.

1 Samuwele 14:19

Se ku to maheka tito, ngako Sawule a txi ngadi e womba-womba ni mphaxeli, kuthava kule ku nga ti wugoveloni ka Vafilista ku to kula ngutu, kuanda, se Sawule a je khene ka mphaxeli: Thavisa dianza dako!

2 Samuwele 21:1

Se ka masiku a Dhavhidha ku to maneka nzala mndani ka malembe mararu o londetelana; kambe Dhavhidha a to wotisa ka Mkoma, aniko Mkoma a to khene kwakwe: I mhaka ya Sawule ni nyumba yakwe ya wudayi, nguko va theketile mnoha wa Vagibheyoni.

Malakiya 2:7

Nguko txisofu txa mphaxeli txi na xayisa wuzivi, se va na mana mlayo ka txisofu txakwe, nguko ene i Ngelozi ya Mkoma wa Mabutho a Tiyimbi.

Mitengo 27:2

se va to ya ema masoni ka Mosi, ni masoni ka Eleyazari, mphaxeli, ni masoni ka vathaveli, ni ka wotshe msengeletano, ka ditimba da ditenda da msengeletano, va txi kha vona:

Dhewuteronome 31:3

Awu a no tsimbila masoni kwako ngene Mkoma, Txizimu txako; a na hoxota mifumo yoneyo, kasi ku u yi teka. Joxuwa a na va mthangeli wako, nga ti Mkoma a nga kugela.