Mitengo 27:18 - Bhiblia Yo Sawuleka

¹⁸ Sekoko Mkoma a to gela Mosi a txi khene: Teka Joxuwa, mwana Nuni, m'thu wu aku ni moya, u msanzeka dianza dako.

Mitengo 27:18 Referans Kwoze

Dhewuteronome 34:9

Joxuwa, mwana Nune, a to tala ngu moya wa wutxhari, nguko Mosi a ti msanzekile manza akwe. Ni vanana va ka Israyeli va to mu engisa, va txi maha totshe madingano ni ti Mkoma a nga leleta Mosi.

Mitengo 27:23

Se txitimwi kwakwe, a to sanzeka manza, e mninga mlayo, nga ti Mkoma a nga leletisa tona, ngu dianza da Mosi.

Genesisi 41:38

Se Faro a to khene ka sithumi sakwe: “Ina hi nga mmana mmwani m'thu wo nga wuwa, awu moya wa Txizimu wu ku kwakwe kani?”

Dhewuteronome 31:23

Se Mkoma a to gela Joxuwa, mwana Nune, a txi khene: “Tsana, uva ni mtamo; nguko ngawe u no hokisa vanana va ka Israyeli, ka ditiko dile ni nga va xambanyela, ani ni na va ni nawe!”

Mithumo 19:6

Se mbimo yi Paulo a nga va sanzeka manza, Moya wo Sawuleka wu to txhika txitimwi kwawe, se vona ve khata kuwombawomba tidimi ni kuprofeta.

Valamuli 3:10

Se Moya wa Mkoma wu to ta txitimwi kwakwe, se a to maha mlamuli wa Israyeli, a txi huma eya yimbini; se Mkoma a to ningela Kuzani-Rezatayimi, mfumeli wa Siriya, manzani kwakwe; se dianza dakwe di to simama di wukela Kuzani-Rezatayimi.

Dhewuteronome 3:28

Rumela koko ka Joxuwa, mithetho yako, u mtsanisa msana, ni ku mninga mtamo, nguko ngene a no thangela masoni ka vathu vava e va wuleta ka ditiko dile u di wonako, di va thomba yawe.”

Johani 3:34

Awu a nga rumwa ngu Txizimu a womba-womba mapswi a Txizimu, nguko ngu txona txi nga mninga Moya i si nga ngu mpimo.

Dhaniyeli 5:14

Ni khala kupfa va txi womba ngu ngawe, ti taku moya wa sizimu wuho kwako, ni ti taku liwoningo ni mapimo, ni wutxhari wa hombe ngutu si maneka kwako.

Valamuli 11:29

Sekoko konako Moya wa Txizimu, wu to khandama ka Jefta, se Jefta a to tshawunyeta ditiko da Gileyadhi ni da Manasi, a txi pinda ngu Misipa wa Gileyadhi a txi ya ditikoni ka va ka Amoni.

Vahebheru 6:2

ni tigondo ta kubhabhatisa, ni ta kusanzeka ka manza, ni ta kuwuka ka vafi, ni ta kuabaniswa ko gwita.

1 Timoti 5:22

U nga tutumele kusanzeka manza m'thu kasiku u si rwali sionho sa mmwani. Awe upune ti ñole, u txi zumba u di basile mbilu.

1 Timoti 4:14

U nga sakane ngu txiningo txi u ku natxo, atxi u nga amukeliswa ditshiku diya vahombe va dibanza va nga womba mapswi a ku kuphaxa, ve kusanzeka manza.

Mithumo 13:3

Sekoko ngako va di gwitile kutitona sakudya ni kukhongela, va to va sanzeka manza ve va ruma.

Mithumo 6:6

Va to va emisa masoni ka Vapostoli, se vona ve va mahela mikombelo ni ku va sanzeka manza.

Mithumo 6:3

Ndinene, vanathu, kukhedha hagari kwanu, mtxhanu wa majaha ni mambidi a kuthembeka ta tinene, na ma di tate ngu Moya wo Sawuleka ni wuzivi, kasiku hi va veka ve thuma mthumo wuwa.

1 Samuwele 16:18

Sekoko mmweyo ka majaha a to xamula a txi khene: Wona taku na tolovela kuwona mmweyo ka vanana va Jese, wa Bhetlehema, a zivako kuveta, kambe i ndena, wo tshambisela, m'thu wo ziva kulwa, wa mapswi o pfala, wa txiemo txa txinene; Mkoma a ni nene.

Mitengo 13:16

Aawa ngu ona matina a vathu va Mosi a nga va ruma kuya xola ditiko; konaho Mosi a to thula Hoseya, mwana Nune, ditina daku: I Joxuwa.

Mitengo 13:8

ka lihunzu la ka Efrayime i Hoseya, mwana Nuni;

Mitengo 11:17

Sekoko ani, ni na kwitima ni ta womba-womba ni nawe konaho; se ni nata hungula moya wu wu ku nemelako wekha, ni wu veka kwawe, kasi ve kuvhuna; se moya wu na kuvhuna kurwala vathu, na i si ngawe wekha u rwalako.

Eksodha 17:9

Konako Mosi a wombile ka Joxuwa, a txi khene: “Sawula vavamna kasiku, mangwana u nata huma u txi yalwa ni Vaamaleki; ani ni na zumba txitimwi ka mmango ni ndonga ya Mkoma manzani.”

Dhewuteronome 1:37

Ngu mhaka yanu, Mkoma a henyile, hambi ni nani a ni henyete, a txi khene: “Nanawe khu na mbi wulela ka dona.

Dhewuteronome 31:3

Awu a no tsimbila masoni kwako ngene Mkoma, Txizimu txako; a na hoxota mifumo yoneyo, kasi ku u yi teka. Joxuwa a na va mthangeli wako, nga ti Mkoma a nga kugela.

Dhewuteronome 3:21

Ka txonetxo txikhati, ni leletete Joxuwa ni txi khani: “Maso ako ma ti woni totshe ti Mkoma, Txizimu txathu, a nga maha ka vona vafumelivo vavambidi. Mkoma a na mahisa toneto ka otshe matiko ale mi no pinda ngu ka ona.

Dhewuteronome 31:14

Se Mkoma a to khene ka Mosi: “Masiku ako a kufa ma hafuhi; dhana Joxuwa, u txi ta nayo amu ditendani da msengeletano, kasi ku ani ni mi ninga sileleto sangu.” Sekoko Mosi ni Joxuwa, va to tsula ditendani ka msengeletano.

Joxuwa 1:17

Kufana ni ku hi nga engisa Mosi ka totshe, ngu toneto, hi na kuengisa nawe; aniko Mkoma, Txizimu txako, a nave ni nawe, nga kule a nga va ni Mosi.

1 Makronika 7:27

mwana Nune, mwana Joxuwa.