Mitengo 27:17 - Bhiblia Yo Sawuleka

¹⁷ e huma masoni kwawe, e wulela masoni kwawe, e va maha ve huma, ni ku va maha ve wulela, kasi ku msengeletano wa Mkoma, wu si nga tinvuta to pwata m'dyisi.

Mitengo 27:17 Referans Kwoze

Ezekhiyele 34:5

Ngu kumaha keto, ti hangalakile ngu ku mbi va ni m'dyisi, se ti mahile to dyiwa ngu sotshe sihari sa tshofu sa txitinga, ngu ku ti nga hangalaka.

Marku 6:34

Ngako a di humile ngu ngalavani, Jesu a to wona dibutho da vathu vavangi, a txi va pfela wusiwana, nguko va ti fana ni tinvuta to mbi na m'dyisi. Se e khata ku va gondisa timhaka to tala.

1 Vafumeli 22:17

Sekoko Mikaya a to xamula a txi khene: Ni woni votshe va ka Israyeli va ti hangalakile mimangoni, nga tinvuta to pwata m'dyisi; se Mkoma a to khene: Avava kha va nga ni nyamne; mmweyo ni mmweyo a na tshumele ngu kuthutha e tsula nyumbani kwakwe.

Matewu 9:36

Ngako Jesu a di woni dibutho da vathu, a to va pfela wusiwana, nguko va ti ti karate ni kurereka, nga tinvuta to mbi na m'dyisi.

Zakariya 10:2

Nguko sithombe sa sizimu si womba-womba ta walo, se vahuteteli va tolovela kuwona makuhu ni kutxhamusela miloro ya walo, va thavelelana ngu ta kwa mbi nyawula; ngu toneto, va tsimbilisa ku nga tinvuta, va txi xaniseka, nguko kha ku nga ni m'dyisi.

2 Makronika 1:10

Ni ninge koko, wuzivi ni wutxhari, kasiku ni sikota kuthangela masoni ka vathu vava; nguko i mani a ndi no lamula vathu vako vo talisa tiya kani?

Dhewuteronome 31:2

Nyamsi ni ni 120 wa malembe; kha ni na mbiswa ni va mthangeli wanu kambe, ni Mkoma a ni gete a txi khene: “Khu na mbi txhatuka mnambo wa Jordhani.

1 Vafumeli 3:7

Konkuwa koko, awe Mkoma, Txizimu txangu, u fumisile txithumi txako ka wukhalo wa Dhavhidha, tate wangu, se ni ngadi mfana wam'dotho, kha ni kuzivi kuhuma ni kuwulela.

1 Samuwele 18:13

Ngu kumaha keto, Sawule a to thavisa Dhavhidha, e m'veka kuva mthangeli wa dizana; se a ti wulela ni kuhuma masoni ka vathu.

1 Samuwele 8:20

Se nathu hi na fana ni otshe mamwani matiko; se mfumeli wathu a na hi lamula, kambe a na thangela masoni kwathu, ni ku hi lwela ka tiyimbi tathu.

1 Pedro 2:25

Nguko, mi ti ti fana ni tinvuta ta kuhangalaka, aniko akuwa mi tshumete mi wuya ka M'dyisi ni Muwoneleti wa mimoya yanu.

Johani 10:9

Ani ngani ni ku txike: Ngako m'thu a txi wulela ngu ngani, a na hanyiswa; a na wulela, a txi huma, eya mana lihawu.

Matewu 15:24

Jesu a to xamula a txi khene: “Ani kha na rumelwa vamwani hahanze ka tinvuta ti ti nga mwalala ta nyumba ya ka Israyeli.”

Matewu 10:6

Kukhata tsulani ka tinvuta ti ti nga hangalaka ta Nyumba ya ka Israyeli.

Zakariya 13:7

Awe ditxhari khukha u lwa ni m'dyisi, lwana ni wamwamna wule i ku mngana wangu, kuwomba Mkoma wa Mabutho a Tiyimbi; peka m'dyisi, se ti na hangalaka tinvuta; aniko ni na nawuluta dianza dangu, ni peka vale vavadotho.

2 Makronika 18:16

Sekoko ene a to khene: Ani ni woni va ka Israyeli votshe va di hangalakile ngu mimango ku nga tinvuta to pwata m'dyisi, se Mkoma a txi khene: Avava kha va na nyamne, mmwani ni mmwani a na tshumele e tsula m'tini kwakwe ngu kuthutha.

2 Samuwele 5:2

Hambi ni kale, Sawule a txi fuma txitimwi kwathu, ngawe u nga ti ti huma ni kuwulela ni Israyeli; kambe Mkoma a ti khene kwako: Awe u na dyisa vathu vangu va ka Israyeli, ni ti to awe u na va mthangeli txitimwi ka Israyeli.

2 Vafumeli 11:8

Mi na ranganyeta mfumeli, mmweyo ni mmweyo ni matxhari akwe manzani, se wule a no wulela hagari ka titxhatxha, a fanete kudawa; se anu mi na va ni mfumeli, ngako a txi huma, ni kuwulela.