Mitengo 27:16 - Bhiblia Yo Sawuleka

¹⁶ Mkoma Txizimu txa mimoya ya yotshe nyama, veka m'thu txitimwi ka msengeletano wuwa,

Mitengo 27:16 Referans Kwoze

Mitengo 16:22

Se vona va towa ngu tikhohe tawe, ve dila, va txi kha vona! Awe Txizimu! Txizimu txa mihefemulo ya nyama yotshe! Ina wa so henyela wotshe msengeletano, ngu mhaka ya txionho txa m'thu mmweyo kani?

Vahebheru 12:9

Hahanze ka toneto, hi ni vatate vathu va mmidi, avava va nga hi gondisa, vona ha va xonipha. Ina kha hi faneli kuthava ngutu Tate wa mimoya, kasi ku hi na hanya kani?

Jeremiya 3:15

Ni na mi ninga vadyisi va tsakisako mbilu yangu, ava va no mi dyisa ngu wuzivi ni kupima.

Mithumo 20:28

Ti woneleni, mi txi wonelela ni wotshe mtxhambi wu, mi nga mahwa vadyisi va wona ngu Moya wo Sawuleka, kasiku mi txi dyisa Dibanza da Txizimu, adiya txona txi nga ti winela ngu mnoha wa Mwanana wa txona apune.

Johani 10:11

“Ani ngani mudyisi wamnene. M'dyisi wamnene ngu wu a ningelako wutomi wakwe ngu mhaka ya tinvuta takwe.

Matewu 9:38

Ngu kota yeto, kombelani ka Nyamne wa kuelula, ti to e rumela sithumi kuelulani kwakwe.”

Ezekhiyele 37:24

Se txithumi txangu Dhavhidha a na fuma txitimwi kwawe, votshe va na va ni m'dyisi mmweyo; kambe va na tsimbila ngu wululamo wangu, ni kuvekisa sileleto sangu, va na si maha.

Ezekhiyele 34:23

Kambe ni na ti wusela m'dyisi mmweyo dwe, se ene a na ti dyisa; txithumi txangu Dhavhidha a no ti dyisa; ene a na va m'dyisi wa tona.

1 Samuwele 12:13

Konkuwa koko, wonani mfumeli wu mi nga ti sawulela, awule mi nga mkombela; kambe wonani taku Mkoma a vekile mfumeli txitimwi kwanu.

Dhewuteronome 31:14

Se Mkoma a to khene ka Mosi: “Masiku ako a kufa ma hafuhi; dhana Joxuwa, u txi ta nayo amu ditendani da msengeletano, kasi ku ani ni mi ninga sileleto sangu.” Sekoko Mosi ni Joxuwa, va to tsula ditendani ka msengeletano.

1 Vafumeli 5:5

Se ani ni lava kuduketa kuakela nyumba ditina da Mkoma, Txizimu txangu, nga ti Mkoma a nga wombisa tona ka Dhavhidha, tate wangu, a txi khene: Mwanana wako, awu ni no m'veka ha wukhaloni kwako ka wukoma, eyo a na akela nyumba ditina dangu.

Mitengo 27:15

Sekoko Mosi a to womba ka Mkoma, a txi khene:

2 Vafumeli 11:8

Mi na ranganyeta mfumeli, mmweyo ni mmweyo ni matxhari akwe manzani, se wule a no wulela hagari ka titxhatxha, a fanete kudawa; se anu mi na va ni mfumeli, ngako a txi huma, ni kuwulela.

Ekleziyaste 12:7

ni lithulu li txi tshumela liya mafuni, nga ti li ngadi ngu tona, ni moya wu tshumela wu tsula ka Txizimu, txi txi nga mninga.

Jeremiya 32:27

Ngani Mkoma Txizimu txa vathu votshe; ina txi ho atxi ni nga txi tandako kani?

Jeremiya 38:16

Sekoko mfumeli Zedhekiya a to xambanya ka Jeremiya txihunjani, a txi khene: Mkoma a hanyako, awu a nga hi ninga wutomi wuwa, kha ni na mbi kudaya, hambi ku kuningela manzani ka vathu vale va xotako wutomi wako.

Ezekhiyele 18:4

Wonani taku yotshe mihefemulo njangu; nga kule muhefemulo wa tate i ku wangu, muhefemulo wa mwanana ni wona mbwangu; muhefemulo wule wu no onha, ewo wu na fa.