Mitengo 27:13 - Bhiblia Yo Sawuleka

¹³ Sekoko u ti di woni, u na tshumetelwa ka vakwanu, nga ti a nga mahiswa tona mwananu Aroni.

Mitengo 27:13 Referans Kwoze

Dhewuteronome 10:6

Se vanana va ka Israyeli va to khukha konako ha txisimani ka vanana va ka Jahakani va txi ya Mosera. Ka wona wuwa wukhalo ngu kona a nga fela kona Aroni, a txi tshotshwa kona kambe. Mwanakwe, Eleyazari, a to mtsiveta ha wukhaloni ka wuphaxeli.

Mitengo 31:2

Photela vanana va ka Israyeli ka Vamidhiyani; msana keto u na tsuliswa ka vathu vako.

Dhewuteronome 32:50

U na ya fela ka wona mmango wule, u no kwela ka wona, kasi ku u txi ya tshangana ni va ka kwanu, kufana ni mwananu Aroni, a nga fela mmangoni ka Hori, a txi amukelwa ngu va ka kwawe.

Mitengo 33:38

Sekoko Aroni mphaxeli, a to kwela mmangoni ka Hori, madingano ni kuruma ka Mkoma; se a fete koneyo, ngu mtxima wa wutxhanu, na ku di pindile mune wa magumi a malembe, na vanana va ka Israyeli va di humile ngu ditikoni ka Egipta, ka ditshiku do khata da mtxima.

Genesisi 25:17

Ngu yiya tanga ya kuhanya ka Ismayeli: 137 wa malembe, se a to ningela muhefemulo wakwe, efa, eya ti patanisa ni va ka kwawe.

Genesisi 25:8

Abrahamu a to ningela muhefemulo wakwe, a fite a di kumbile ngutu, i di txikhovana, a to ya tshangana ni va ka kwawe.

Dhewuteronome 1:37

Ngu mhaka yanu, Mkoma a henyile, hambi ni nani a ni henyete, a txi khene: “Nanawe khu na mbi wulela ka dona.

Dhewuteronome 4:22

Nguko ani ni na fa ka dona ditiko diya, kha ni na mbi txhatuka mnambo wa Jordhani; aniko anu mi na txhatuka mi txi ya di fuma, dona ditiko dile da dinene.

Dhewuteronome 31:14

Se Mkoma a to khene ka Mosi: “Masiku ako a kufa ma hafuhi; dhana Joxuwa, u txi ta nayo amu ditendani da msengeletano, kasi ku ani ni mi ninga sileleto sangu.” Sekoko Mosi ni Joxuwa, va to tsula ditendani ka msengeletano.

Dhewuteronome 31:16

Se Mkoma a wombile ka Mosi a txi khene: Wona, u hafuhi ni kutsula u txi ya humula kumweko ni vatate vako; se vathu vava, va na khukha va txi ya maha wugango ni simwani sizimu sa ditiko dile u lavako kuwulela ka dona. Vona va na ni leka va txi ndaka mlayo wa txitumelelano, txi ni nga txi sunga navo.