Mitengo 26:55 - Bhiblia Yo Sawuleka

⁵⁵ Hambi keto, ditiko di na abaniselwa ngu kuxaxuva tixolo; madingano ni matina a tihunzu ta vatate vawe, va na ningwa.

Mitengo 26:55 Referans Kwoze

Mitengo 34:13

Se Mosi a to gela vanana va ka Israyeli, a txi khene: Adiya ngu dona ditiko di mi no di teka, diva thomba yanu, adi Mkoma a nga ruma ti to di ningelwa ka mtxhanu wa tihunzu ni mune, ni ka hafu ya lihunzu.

Mitengo 33:54

Se ngu kuxaxuva tixolo, mi na mana ditiko di na maha thomba yanu, madingano ni mimwaya yanu; ngu wungi wa kona, mi na talelwa ngu tithomba, eyo dikato di no wela kwakwe; madingano ni tihunzu ta vatate vanu, mi na teka tithomba.

Joxuwa 14:2

Ku to abaniselwa thomba, nga ti Mkoma a nga leleta ngu txisofu txa Mosi, ka tihunzu ta mtxhanu ni mune, ni hafu ya lihunzu.

Joxuwa 11:23

Ngu kumaha keto, Joxuwa a to teka dotshe ditiko diya, nga tona ti Mkoma a nga ti wombile ka Mosi; se Joxuwa a to di ningela di txi maha thomba ya vanana va ka Israyeli, madingano ni kuabanelana kwawe, ngu tihunzu tawe; se ditiko di to humula yimbi.

Vakolosa 1:12

bongani ka Tate, a nga mi ninga mathomo a kumana txyavelo kumweko ni vasawuleki liwoningoni.

Mithumo 1:26

Konako va to xaxuva tixolo, se dikato di wela Matiyasi se kukhukhela konaho a to patwa kumweko ni vapostoli va digumi ni mmweyo.

Mavingu 18:18

Xolo ya malata kukanetisana, yi abanisa vathu va mitamo.

Mavingu 16:33

Xolo yi xaxuvelwa hammidi, aniko totshe ta tinene ti ta ngu ka Mkoma.

Joxuwa 19:40

Txyavelo txa wutxhanu ni simbidi txi humete lihunzu la vanana va ka Dhani, madingano ni timwaya tawe.

Joxuwa 19:32

Ka vanana va ka Naftali ku humelete txyavelo txa wutxhanu ni tximwetxo, ka vanana va ka Naftali, madingano ni timwaya tawe.

Joxuwa 19:24

Txyavelo txa wutxhanu txi humete lihunzu la vanana va ka Aseri, madingano ni timwaya tawe.

Joxuwa 19:17

Txyavelo txa wumune txi ningilwe ka Isakari, ka vanana va ka Isakari, madingano ni mtengo wa timwaya tawe.

Joxuwa 19:10

Txyavelo txa wuraru txi ningilwe va ka Zebhuloni, madingano ni timwaya tawe: Muhingano wa thomba yawe wu ti ti hoka kala Saridhe.

Joxuwa 19:1

Txyavelo txa wumbidi txi ningilwe va ka Simiyoni, ka lihunzu la vanana va ka Simiyoni, madingano ni timwaya tawe: Thomba yawe yi maneka ngu hagari ka thomba ya vanana va ka Judha.

Joxuwa 18:6

Mi na bhaletela ditiko mi txi di abanisa ngu mtxhanu wa sibhande ni simbidi, mi txi tisa kwangu mibhalo ya kona, kasi ku ani ni xaxuva tixolo masoni ka Mkoma, Txizimu txathu.

Joxuwa 17:14

Sekoko vanana va ka Josefa, va to ya ka Joxuwa va txi ya kha vona: “Ngu kutxani u txi hi ninga thomba ya txyavelo txatxidotho txa ditiko dimwedo ni wukhalo wumwewo dwe, kuve athu hi vathu vavangi, nga ti Mkoma a nga hi katekisa kala nyamsi kani?”

Mitengo 26:56

Nga ti di no humisa tona dikato, ku na abaniselwa thomba yawe hagari ka va i ku vangi, ni ka vavadotho.

Ezekhiyele 47:22

Eko mi na xola maabanelo a thomba, ni yi yo ninga valuveli vale va ku hagari kwanu, va nga veleka vanana hagari kwanu; va na nga sizikwa hagari ka va ka Israyeli; va na mana thomba kumweko ni nanu, hagari ka tihunzu ta ka Israyeli.

Mitengo 36:2

Se va to kha vona: Mkoma a rumile nyamne wangu kuningela ditiko diya, kuva thomba ya vanana va ka Israyeli; niku nyamne wangu a rumilwe ngu Mkoma taku, thomba ya mwanathu Zelofeyadhi, yi ningelwa ka vanana vakwe vamahorana.