Mitengo 26:54 - Bhiblia Yo Sawuleka

⁵⁴ Ka va i ku vangi, u na wuyeletela thomba yawe; ka vavadotho u na hungulela thomba yawe; mmweyo ni mmweyo a na ningwa thomba yakwe, madingano ni va hagari kwawe va nga balwa.

Mitengo 26:54 Referans Kwoze

Mitengo 33:54

Se ngu kuxaxuva tixolo, mi na mana ditiko di na maha thomba yanu, madingano ni mimwaya yanu; ngu wungi wa kona, mi na talelwa ngu tithomba, eyo dikato di no wela kwakwe; madingano ni tihunzu ta vatate vanu, mi na teka tithomba.

Joxuwa 17:14

Sekoko vanana va ka Josefa, va to ya ka Joxuwa va txi ya kha vona: “Ngu kutxani u txi hi ninga thomba ya txyavelo txatxidotho txa ditiko dimwedo ni wukhalo wumwewo dwe, kuve athu hi vathu vavangi, nga ti Mkoma a nga hi katekisa kala nyamsi kani?”

Mitengo 32:5

Va to kha vona kambe: Ngako hi di mani kukateka masoni kwako, hi ninge ditiko diya athu sithumi sako, di maha thomba yathu, kambe u nga hi txhatukise mnambo wa Jordhani.

Mitengo 32:3

Atarote, ni Dhibhoni, ni Jazeri, ni Ninira, ni Hesibhoni, ni Eleyale, ni Sebhani, ni Nebho, ni Bheyoni,

Mitengo 26:53

Ka vava di na abaniselwa ditiko di maha thomba yawe, kudingana ni mtengo wa matina.

Mitengo 35:8

Se madhoropa awa mi no ningela ngu ka thomba ya vanana va ka Israyeli, ka va va ku ni sasingi ku na tekwa sasingi, se ka vale va ku ni sa sidotho, ku na tekwa sa sidotho; mmwani ni mmwani a na ningela madhoropa akwe, ka va ka Levhi, madingano ni thomba yakwe, yi a ku nayo.

Joxuwa 19:9

Thomba ya vanana va ka Simiyoni yi manekile amu ka tyiavelo txatxidotho txa vanana va ka Judha, nguko didhawa da vanana va ka Judha i ti da hombe ngutu kwawe; ngu mhaka yeto vanana va ka Simiyoni, va amukete thomba yawe hagari ka thomba ya vanana va ka Judha.