Mitengo 26:28 - Bhiblia Yo Sawuleka

²⁸ Vanana va Josefa ngu tinyumba tawe, i Manasi ni Efrayime.

Mitengo 26:28 Referans Kwoze

Genesisi 46:20

Vanana vale Josefa a nga ya va mana ditikoni ka Egipta, i Manasi ni Efrayime, vo velekwa ngu Aseneti, mwana Potifera, mphaxeli wa Oni.

Genesisi 48:5

Akuwa, vanana vako vavambidi, avava u nga veleka ditikoni muwa ka Egipta, ani ni sanzi kuta ahawa kwako, ditikoni ka muwa Egipta, va na va i di vanana vangu; Efrayime ni Manasi va na va vangu, kufana ni Rubheni ni Simiyoni i ku vanana vangu.

Mitengo 1:34

Ka vanana va ka Manasi, liveleko lawe, ngu mimwaya yawe, madingano ni nyumba ya vatate vawe, va bhatwe, ngu matina a votshe vavamna va magumi mambidi a malembe kuya masoni, avale va dinganako kuya yimbini.

Dhewuteronome 33:16

mihando ya mafu ni kutala ka yona, ni kateko ya wule a nga aka mu txipoponi. Makatekwa ma nave ha msungo ka Josefa, txitimwi ka msungo wa wule a nga sawulwa hagari ka vanawe!

Joxuwa 14:4

Nguko vanana va Josefa va ti ti wumba tihunzu timbidi: Lihunzu la Manasi ni lihunzu la Efrayime; Valevhi kha va ningwa txilo amu ditikoni, hahanze ka madhoropa kasiku ve aka kona, ni tibala to dyisela kona mitxhambi yawe ya sifuyo sa hombe ni sa sidotho.

1 Makronika 5:23

Se vanana va hafu ya lihunzu la ka Manasi, va to aka ka ditiko dile, kukhukhela Bhasani kala Bhahali-Hermoni, ni Seniri, ni ka mmango wa Hermoni; se vona va to anda.

1 Makronika 7:14

Vanana va Manasi ngu vava: Asiriyeli, awule a nga velekwa ngu msikati wa Gileyadhi (kambe msikati wakwe wam'dotho, wa Msiriya, a to veleka Makiri, tate wa Gileyadhi;