10 Se mafu ma to asama txisofu meva mita, kumweko ni Kora, mbimo yile wu nga fa msengeletano konaho ku nga fa mtxawa wa hombe; ni mbimosi mndilo wu nga txi hisa 250 wa vavamna, ve maha txikombiso.
Aniko siya so hisa ka sona dibaselo sa vale va nga onhela mihefemulo yawe. Si na simelwa aha ka timbanya si maha siphambati, so lema ngu sona ha magandeloni, kasi si txi ningelwa masoni ka Mkoma; nguko sona si sawulekile; si na maha txialakanyiso ka vanana va ka Israyeli.
Se, txona Txizimu txi abanisile ti to ma na hiswe madhoropa a Sodhoma ni Gomora, ma txi hinduka me maha dikhuma, na txi txi dinganisa ati ti nga ti fanete kumaheka ka vale va si laviko kuhanyela Txizimu;
Kufana ni toneto, Sodhoma ni Gomora, ni mamwani madhoropa a hafuhi, ngu mhaka ya kutiningetetela ka wugelegele, ni ka mithumo ya wugango wo hambana ni ntumbuluko, madhoropeyo ma mahilwe txialakanyiso masoni ka votshe vathu, me ningelwa kutsayiswani ka mndilo wo mbi guma.
Se ni na mronokela eyo m'thu, ni na mmaha txixamaliso, txikombiso ni divingu, kambe ni na mthavisa hagari ka vathu vangu; mi na tiziva taku ani ngani Mkoma.
Di na tekwa kwanu dipswi da txiruko, ka votshe Vajudha va va manekako Bhabhilona ngu kuñolwa, daku: Mkoma a na ku mahe u txi nga Zedhekiya ni Ahabi, ava mfumeli wa Bhabhilona a nga va phomisa ha mndiloni.
Tate wathu a fite txiwulani, na a si nga hagari ka msengeletano wa va va nga sengeletana, ve hambana ni Mkoma, ka msengeletano wa Kora, kambe a fite asi nga ni mwanana, ka txionho txakwe apune.
Se vanana va ka Israyeli va dyite manna mndani ka mtengo wa mune wa magumi a malembe kala va txi hoka ka ditiko di di nga akwa va dyite manna kala va txi hoka mihinganoni ka ditiko da Kanana.
ni ti Mkoma a nga maha ka Dhatani, ni ka Abhiramu, vanana va Eliyabhe, wa lihunzu la ka Rubheni; ahawa mafu ma nga asama txisofu txa ona ma txi va mita, kumweko ni mimwaya yawe, ni matenda awe, ni votshe vale va nga ti va londeta, hagari ka votshe va ka Israyeli.