Mitengo 25:8 - Bhiblia Yo Sawuleka

⁸ Mamoyo a to londeta wamwamna wule wa Muisrayeli ditendani, a txi ya va thola votshe vavambidi, wamwamna wule wa Muisrayeli ni wamsikati wule, ngu ha ka mirumbu, sekoko mtungu wu to ema ka vanana va ka Israyeli.

Mitengo 25:8 Referans Kwoze

1 Makronika 21:22

Se Dhavhidha a to khene ka Orinani: Ni ninge wukhalo wuwa wa wuhulelo, kasi ku ni aka txiluvelo txa Mkoma kona; ni ninge ngu male ya wona, kasi ku txitsayiso txiya txi pinda txitimwi ka vathu.

2 Samuwele 24:25

Se Dhavhidha a to aka koneho txiluvelo txa Mkoma, e ningela miphaxo ya kuhiswa ni mningelo wa kudikha. Koneko Mkoma a to tsetsa ditiko, se txitsayiso txile txi to guma txitimwi ka va ka Israyeli.

Mitengo 25:11

Finiyasi, mwana Eleyazari, mwana mphaxeli Aroni, a vayilelisile dikhulo dangu txitimwi ka vanana va ka Israyeli, nguko a to ti ningela hagari kwawe. Se kha na nga va lovisa vanana va ka Israyeli, ngu kuhenya kwangu.

Mitengo 25:5

Sekoko Mosi a to khene ka valamuli va ka Israyeli: Va na dawe votshe ava va nga ti tshanganisa ni Bhahali-Peyori.

Malakiya 2:5

Txitumelelano txangu ni nene, i ti ti txa wutomi ni kudikha, se ani ni mningile txona kasi ku e ni thava; se a ni thavile e xamala ngu mhaka ya ditina dangu.

Mitengo 17:13

Awu ni wu a tshuketako Nyumbani ka Mkoma, ofa. Ina kha hi na mbi guma hotshethu ngu kufa kani?

Joxuwa 7:26

Se va to maha mmumbu wa hombe wa marigwi txitimwi kwakwe, kala ka ditshiku da nyamsi; ngu kumaha keto, Mkoma a to boxa kuhenyani kwakwe; ngu mhaka yeto wukhalo wule wu to dhanwa ku mkova wa Akori, kala ka ditshiku da nyamsi.

2 Samuwele 21:14

Va to ya tshotsha marambu a Sawule ni a mwanakwe Jonatani, ditikoni ka Bhenjamini, kona Zela, ka dithitha ta Kisi, tate wakwe, se ve maha totshe tile mfumeli a nga va leleta; kambe msana keto, Txizimu txi to pfa kudila ka ditiko.