Mitengo 25:6 - Bhiblia Yo Sawuleka

⁶ Wona taku kutota wamwamna wokari ngu ka vanana va ka Israyeli, a txi neha wamsikati wa Mumedhiyani ka vanawe, hafuhi ka Mosi ni msengeletano wotshe wa va ka Israyeli, konaho msengeletano wu nga ti dila, ha txikeni ka Ditenda da Msengeletano.

Mitengo 25:6 Referans Kwoze

Joyeli 2:17

Va na dile vaphaxeli, va thumelako Mkoma, hagari ka m'hubhe ni txiluvelo, va ne kha vona: Tsetsa vathu vako, awe Mkoma, kambe u nga ningele thomba yako tinganani, kasi ku matiko ma txi yi xakela: Nguko kutxani va no kha vona ka vathu: Txi hayi Txizimu txawe, kani?

Mitengo 22:4

Ngu kumaha keto, Mowabhi a to khene ka madhota a Vamidhiyani: “Wonani msengeletano wuwa, wu na dya sotshe si si nga hi rendelekela, ku nga tihomu tidyako mwasi wa txitinga. Ka yona yile mbimo, Bhalake, mwana Zipora, i ti mfumeli.”

Judha 1:13

i mavimbi o leva a linene; mithumo yawe ya tingana yi pupuma nga diphutu; ndinyeleti to pepuka ati ti nga lulamiselwa txidema txa hombe txo mbi na magwito.

Jeremiya 36:23

Ku ti ngako Jehudhi a ti gondile tindima tiraru mwendo mune, mfumeli a to wila dibhuku ngu mesa a txi di tshotsha ka mndilo ha txikho.

Jeremiya 8:12

Ina va ni tingana ngu kumaha manyala kani? Kha va na tingana, hambi kupima ti taku nji txani kuwiswa tingana! Ngu konaho, va na wa kumweko ni va vawako, kambe va na humbwa ka mbimo ya kutsayiswa kwawe, kuwomba Mkoma.

Jeremiya 3:3

Ngu konaho, tinzuma ti tsimbisetwe, sekoko nzuma yo khata kha yana; aniko mbanza yako i ti ya digelegele, ti taku u si tumeli kupfa tingana.

Isaya 22:12

Se Mkoma, Mkoma wa Mabutho a Tiyimbi, a na mi dhana ka ditshiku dile, kuya dila, ni kuya peka huwa, ni ku kuyula misungo, ni ka muambalisi wa masaka.

Valamuli 2:4

Se ku to maheka taku yi txi ngadi yi womba-womba mapswi awa Ngelozi ya Mkoma, ka votshe vanana va ka Israyeli, vathu va to guleta mapswi awe ve dila.

Mitengo 31:2

Photela vanana va ka Israyeli ka Vamidhiyani; msana keto u na tsuliswa ka vathu vako.

Genesisi 37:28

Ku ti ngako vanyamabhindu va Midhiyani va txi pinda ngu hafuhi kwawe, vona va to humisa Josefa ngu mu diphalani, ve mxavisa Josefa ka va ka Ismayeli ngu magumi mambidi a maxekele a silivhela, se vanyamabhindu va to mteka, ve tsula nayo Egipta.

Mitengo 16:47

Se Aroni, a to teka txiya txo hisela ka txona dibaselo, nga ti a nga leletisa tona Mosi, e tutuma eya hagari ka msengeletano; se mtungu wu ti khatile hagari ka vathu; a to thela dibaselo ha mndiloni, e maha mphaxo wo tekisa vathu.

1 Vafumeli 11:18

Se va to khukha Midhiyani ve ta Parani, ve ta xula votshe vavamna va Parani, se va tile Egipta ka Faro, mfumeli wa Egipta, awu a nga mninga nyumba, e mthembisa ku m'dyisa, e mninga mafu okari.

Masalmo 94:16

I mani a no ema ni nani hilwa ni siphukuphuku kani? I mani a no ema ni nani hilwa ni vale va mahetelako kubiha kani?