Mitengo 25:4 - Bhiblia Yo Sawuleka

⁴ Mkoma a to khene ka Mosi: Teka votshe vathangeli va vathu, u ta va aneka ha lisanini, nguko va hambukile, Mkoma a henyile; mwendo Mkoma a na boxa txiviti a ku natxo ngu va ka Israyeli.

Mitengo 25:4 Referans Kwoze

Dhewuteronome 13:17

Kambe ni txa tximwetxo ka sile i ku so yila, kha kulaveki txi maneka manzani kwako, kasi ku Mkoma a txi boxa dikhulo da txiviti txakwe, a txi kupfela wusiwana, a txi va ni wumbilu ngu ngawe, a txi kuandisa, nga ti a nga xambanya ka vatate vako,

Dhewuteronome 4:3

Maso anu ma ti woni, tile Mkoma a nga maha ngu Bhahali-Peyori; Mkoma, Txizimu txako, a lovisile hagari kwanu, votshe vale va nga londetela milayo ya Bhahali-Peyori.

2 Samuwele 21:6

ka vanana vakwe hi ninge mtxhanu wa vavamna ni vambidi, kasiku hi va txikita masoni ka Mkoma, kona Gibheya ka Sawule, wule a nga sawulwa ngu Mkoma. Se mfumeli a to khene: Ni na mi ningeta.

Dhewuteronome 21:23

txirumbi txa kona txi nga zumbe ha mndongani wusiku wotshe; aniko u na txi kelela ka donedo ditshiku, nguko awule a nga txikitwa mbwo ruketelwa ngu Txizimu; ngu kumaha keto, u nga nyenyezise ditiko dako, adiya Mkoma, Txizimu txako, a no kuninga di maha thomba yako.

Mitengo 25:11

Finiyasi, mwana Eleyazari, mwana mphaxeli Aroni, a vayilelisile dikhulo dangu txitimwi ka vanana va ka Israyeli, nguko a to ti ningela hagari kwawe. Se kha na nga va lovisa vanana va ka Israyeli, ngu kuhenya kwangu.

Jona 3:9

I mani a ti zivako taku mwendo Txizimu txi nga tshumela txi tilaya, se txi hambana ni txiviti txa kuhenya ka txona, kasiku hi si lovi kani?

2 Samuwele 21:9

Se a to va ningela manzani ka Vagibheyoni, avale va nga va txikita mmangoni masoni ka Mkoma; se votshe va mtxhanu ni vambidi va to fa ngu mbimo yimweyo; Va to dawa ka masiku a kuelula, i ku masiku o khata, kukhatani ka kuelula ka Sevhadha.

Joxuwa 23:2

ene Joxuwa a to ramba votshe va ka Israyeli: Madhota awe ni vathangeli vawe, valamuli vawe ni vathangeli vawe va yimbi a txi va gela tiya: “Ani se ni kumbile, ni na ni malembe o tala,

Joxuwa 22:17

Ina txionho txi txi nga mahwa ngu Peyori hi nga txilo, atxi txi sinziko kubasiswa, kala ka yiya mbimo, hambiko mtungu wu nga tsayisa msengeletano wa Mkoma kani?

Dhewuteronome 13:15

sekoko u na daya ngu ditxhari vaaki va didhoropa donedo, ni dona didhoropa di khundumusele, kumweko ni sotshe sile si ku ka dona, kumweko ni sihari sawe sa sifuyo.

Dhewuteronome 13:13

vathu vokari, vanana va Beliyali, va humile hagari kwanu, va timetile vaaki va didhoropani kwawe, va txi kha vona: “He tsimbileni hi ya khozela simwani sizimu,” sizimu sile mi si si ziviko,

Mitengo 25:18

nguko nanu va mi xanisile, va mi xengetete ngu wurindi wawe, nga ha va nga mi kanganyisa ngu mahungu a Peyori, ni mhaka ya Kozibhi, i ku mwanana wa wahombe wa mmidhiyani, ndiya ya wu a nga dawa ditshikudo da mtungu wu wu nga humelela ngu mhaka ya Peyori.

Eksodha 18:25

Mosi a to sawula, ka votshe va ka Israyeli, vavamna va mapimo, a txi va veka kuve vathangeli va vathu: Vathangeli va digumi da mazana, vathangeli va dizana, vathangeli va mtxhanu wa magumi, ni vathangeli va digumi.

Masalmo 106:29

Ngu simaho sawe so biha va wusile kuhenya ka Txizimu, se ngu mhaka yeto mtungu wu hangalakile hagari kwawe.

Dhewuteronome 13:11

Kasi ku votshe va ka Israyeli ve tiengisa, ve thava, ni ti to va siswi ve maha to biha, to nga toneto hagari kwanu.

Dhewuteronome 21:22

Ngako m'thu wokari a di mahile txionho txi a fanelako kudawa ngu txona, e dawa a txi hayekwa mndongani kokari,