Mitengo 25:2 - Bhiblia Yo Sawuleka

² Vona va to ramba vathu kuya phaxela sizimu sawe; vathu va to dya, ve khizamela sizimu sawe.

Mitengo 25:2 Referans Kwoze

1 Vakorinto 10:20

Se ani kha ni ti lavi ti to mi txi sengela ni madhimoni.

Eksodha 20:5

U nga si khizamele, u txi si khozela; nguko ani Mkoma, Txizimu txako, ni Txizimu txa txiluse, ni tsayisako vanana ngu mhaka ya sionho sa vatate vawe, kala ka liveleko la wuraru ni la wumune, la vale va ni vengako.

Hoseya 9:10

Ni mani Israyeli ku nga mauvha txiwulani, ni woni vatate vanu ku nga mihando yo khata ya mkuwu wo tewula; kambe vona va toya Bhahali-Peyori, veya ti ningetetela ka tximahetxo txa tingana, ve maha manyala kufana ni txile va nga txi randa.

Masalmo 106:28

Se va to khozela Bhahali-Peyori, va txi dya timhamba to mahelwa vafi.

Joxuwa 22:17

Ina txionho txi txi nga mahwa ngu Peyori hi nga txilo, atxi txi sinziko kubasiswa, kala ka yiya mbimo, hambiko mtungu wu nga tsayisa msengeletano wa Mkoma kani?

Mtuletelo 2:14

Aniko, ni ni sisolo sokari ni lavako ku si womba: U na ni vathu konaho, va londetelako gondo ya Bhalahamu, awu a nga ti gondisa Bhalake kuveka txikhuvekiso masoni ka vanana va Israyeli, kasiku ve dya tinyama ta timhamba ta sikwembu sa walo, ni kumaha wugango.

1 Vafumeli 19:18

Kambe ni mahile ti to kusala ka Israyeli 7.000, otshe mazolo ma nga mbi khizamela Bhahali, ni sotshe sisofu si si nga mbi mpswopswa.

Joxuwa 23:16

Ngako mi txi daya txitumelelano txi Mkoma, Txizimu txanu, a nga txi maha ni nanu, mi txi khozela simwani sizimu ni ku si khizamela, konako txiviti txa Mkoma txi na vhutuka txi mi wukela, kambe ngu kukuluveta mi na fuva ka ditiko diya da dinene, adiya ene a nga mi ninga.”

Joxuwa 23:7

Mi nga ti tshanganiseni ni vamatiko vava va nga sala hagari kwanu. Mi nga khumbukeni matina a sizimu sawe, mi nga xambanyeni ngu matina a sona, mi nga si khozeleni ni kambe mi nga khizameni masoni ka sona.

Dhewuteronome 32:38

Si hani si si nga ti ti dya mafura a tihamba tawe, asi si nga txi sela vhinya yawe ya miningelo kani? Si na khukhe si txi ta mi emela, si txi ta mi vhikela.

Eksodha 23:24

U nga khizame masoni ka sizimu sawe, kambe u nga si khozele, hambi kumaha mikhuwo yawe; aniko u na si khundumusela sotshe sithombe sawe.

Eksodha 22:20

Awule a phaxelako ka simwani sizimu, i si nga ka Mkoma, a na dawa.

Eksodha 32:6

Mangwanani ka kona ni mixo, va to wuka, va txi humisa miningelo yo hiswa, ni miphaxo ya kudikha. Vathu votshe va to khalahatsha va txi dya ni kusela; msana keto, va to khukha ve humula.

Jeremiya 40:11

Ngu nzila yo nga yoneyo, mbimo yi votshe Vajudha vale va nga ti Mowabhi, hagari ka vanana va Amoni, ni Edhomi, ni votshe vale va nga ti ti ka otshe matiko ale, va nga pfa to kha vona mfumeli wa Bhabhilona a ti ti lekile vamwani kona Judha, niku a ti ti va vekete Gedhaliya, mwana Ahikamu, mwana Xafani.

Mika 6:5

Anu vathu vangu, alakanyani makungo a Bhalake, mfumeli wa Mowabhi, ni ti a nga mxamula Bhalahamu, mwana Bheyori, kukhukhela Sitime kala Giligali; kasi ku mi ziva wululamo wa Mkoma.