Mitengo 25:18 - Bhiblia Yo Sawuleka

¹⁸ nguko nanu va mi xanisile, va mi xengetete ngu wurindi wawe, nga ha va nga mi kanganyisa ngu mahungu a Peyori, ni mhaka ya Kozibhi, i ku mwanana wa wahombe wa mmidhiyani, ndiya ya wu a nga dawa ditshikudo da mtungu wu wu nga humelela ngu mhaka ya Peyori.

Mitengo 25:18 Referans Kwoze

Mtuletelo 2:14

Aniko, ni ni sisolo sokari ni lavako ku si womba: U na ni vathu konaho, va londetelako gondo ya Bhalahamu, awu a nga ti gondisa Bhalake kuveka txikhuvekiso masoni ka vanana va Israyeli, kasiku ve dya tinyama ta timhamba ta sikwembu sa walo, ni kumaha wugango.

2 Pedro 2:18

Nguko, ngu kuwombawomba mapswi a kutiguleta, ni o mbi nyawula, va riyela ngu minavelo ya mmidi ni kukanganyisa, avale va nga ti ngadi kuhuma ka vale va hanyako kukanganyiswani;

2 Vakorinto 11:3

Aniko na thava tito, ngako mnyoka wu nga kanganyisa Evha ngu marindi a wona, mialakanyo yanu ni yona yi nga onhwa, mi txi thaviswa ka wunene wu wu ku ka Kristu.

Eksodha 32:35

Ngu kumaha keto, Mkoma Txizimu a tsayisile vathu, nguko va kurumetile Aroni ku va mahela txithombe txa dirole.

Eksodha 32:21

Mosi a to womba ka Aroni a txi khene: “Njitxani va nga ku mahela vathu vava, aha koza va txi ti wuyisela txionho txa hombe txo nga txiya kani?”

Genesisi 26:10

Abhimeleki a to engeta, a txi khene: “U hi mahete txani toneto kani? Kudotho nga m'thu wokari wa ka kwathu a di otete ni msikati wako, se konaho u ndi nava u di hi wuyisete mnandu.”

Genesisi 3:13

Se Mkoma Txizimu a to wotisa ka wamsikati a txi khene: “U mahile txani kani?” Se wamsikati a txi khene: “Ni to xengwa ngu mnyoka se ni dya.”

Mitengo 25:15

Kasi ditina da wamsikati wa Mumedhiyani a nga dawa i Kozibhi, mwana Zuri, i nga ti mthangeli wa nyumba ya Vamidhiyani.

Mitengo 25:17

Xuphani Vamidhiyani, mi va dayela,

Mitengo 26:1

Ku to maheka koko ti to msana ka mtungu wule, Mkoma a to womba ka Mosi ni Eleyazari, mwana Aroni, mphaxeli, a txi khene:

1 Vafumeli 11:18

Se va to khukha Midhiyani ve ta Parani, ve ta xula votshe vavamna va Parani, se va tile Egipta ka Faro, mfumeli wa Egipta, awu a nga mninga nyumba, e mthembisa ku m'dyisa, e mninga mafu okari.