Mitengo 25:13 - Bhiblia Yo Sawuleka

¹³ Ku nava kwakwe ni ka liveleko lakwe, msana kwakwe ku nava ni txitumelelano txa wuphaxeli wa kala kupinduka, nguko a khutate ka Txizimu txakwe, e mahela vanana va ka Israyeli, mphaxo wo va tekisa.

Mitengo 25:13 Referans Kwoze

Vahebheru 2:17

Ngu toneto, ti ti fanete ku e fananiswa ka totshe ni vanawe, kasiku, masoni ka Txizimu e va mphaxeli wa hombe, wa kutala ngu wumbilu ni kuthembeka, ti to e sikota kudihela sionho sa vathu.

1 Pedro 2:5

Nananu, kufana ni marigwi o hanya, mi fanete kuakwa, mi maha nyumba ya moya, ti to mi va vaphaxeli vo sawuleka, ava va humisako timhamba to tsakisa Txizimu, ngu Jesu Kristu.

Jeremiya 33:22

Ni na engetela mtengo wa liveleko la txithumi txangu Dhavhidha ni wa Valevhi i ku vaphaxeli, nga ku mtengo wa yimbi ya nzuma wu si balwiko, hambi ni mtxhefa wa linene.

Jeremiya 33:18

ni vaphaxeli i ku Valevhi kha va na mbi pwata wo tisa miningelo ya kuhiswa masoni kwangu, ni kuhisa miningelo ya sakudya, ni kuhumisa miphaxelo ditshiku ni ditshiku.

Masalmo 106:31

Mhakeyo yi mahile ti to ene e maneka i di wo lulama awu a no simama e alakanywa ka liveleko ni liveleko yotshe mbimo.

Eksodha 40:15

u na va tota nga ti u nga totisa tona tate wawe, se va na va vaphaxeli va mthumo wangu; ngu kutotwa kwawe, wuphaxeli wu na va wawe mbimo yotshe, ngu liveleko ni liveleko.”

Mtuletelo 1:6

a txi hi maha vakoma ni vaphaxeli ngu mtamo wa Txizimu Tate wakwe: Kupfaliswa ni mtamo si na lumbe ene kala kupinduka. Amen.

1 Johani 2:2

Ene ngene i ku mhamba ya kudihela sionho sathu, kambe hi nga sionho sathu kugwita, aniko ni sa dotshe ditiko.

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

Vahebheru 7:11

Ngu toneto, idiku wuphaxeli wa Levhi i ti wo hetiseka, ngako vathu va nga amukela mlayo hahatshi ka wona wuphaxeli wonewo, ti mahisa kutxani kulaveka wumwani wuphaxeli madingano ni wa mlayo wa Melkisedheki, i si nga madingano ni mlayo wa Aroni, kani?

Johani 2:17

Se vagondiswa vakwe va to alakanya ati ti nga ti bhatwe, taku: “Kupandisekela nyumba yako ku na ni dya.”

Isaya 61:6

Aniko anu mi na dhanwa ku mi vaphaxeli va Mkoma, kambe va na mi dhana ku mi sithumi sa Txizimu txathu; mi na dya tithomba ta matiko, mi dhumiswa mu ka wudhumo wa ona.

Masalmo 69:9

Kukhatalela nyumba yako ka ni dya; siruko sa vale va ku ruketelako si wete txitimwi kwangu.

1 Vafumeli 19:14

Se Elija a to khene: Ni xambanyile kuthumela ngutu Mkoma, Txizimu txa Mabutho a Tiyimbi, nguko vanana va ka Israyeli va lekile txitumelelano txako, va khundumusete siluvelo sako, ve dayela vaprofeti vako ngu ditxhari; se ngani nokha ni nga sala, se va xota kuthavisa wutomi wangu.

1 Vafumeli 19:10

Se ene a to khene: Ni xambanyile kuthumela ngutu Mkoma, Txizimu txa Mabutho a Tiyimbi, nguko vanana va ka Israyeli va lekile txitumelelano txako, va khundumusete siluvelo sako, ve dayela vaprofeti vako ngu ditxhari; se ngani nokha ni nga sala, se va xota kuthavisa wutomi wangu.

2 Samuwele 21:3

Dhavhidha a to khene koko, ka Vagibheyoni: Mi lava ku ni mimahela txani kani? Ni ku ni nga midihela ngu txani kasi ku mi katekisa thomba ya Mkoma kani?

1 Samuwele 2:30

Ngu kumaha keto, Mkoma Txizimu txa Israyeli, a khene: Ngu ditshuri ani ni wombile ti taku, nyumba yako ni nyumba ya tate wako, ti na tsimbila masoni kwangu kala kupinduka; aniko konkuwa, kuwomba Mkoma,: Timhaketo ti nave kule ni nani! Nguko ni na thava avale va ni thavako, kambe avale va ni eyisako va na wiswa tingana.

Joxuwa 7:12

Ngu mhaka yeto, vanana va ka Israyeli, kha va sikota kutsana masoni ka valala vawe; va to tutuma masoni ka valala vawe, ngako va nga ti nyenyezisa; kha ni na mbi va ni nanu, ngako mi si thavisi sile si nga yiliswa hagari kwanu.

Mitengo 16:46

Se Mosi a to khene ka Aroni: Thavisa txiya txo hisela ka txona dibaselo, u hala mndilo wa ha ka txiluvelo, u txiya thela konemo dibaselo; u kuluveta u txiya ka msengeletano u ya maha mphaxo wo thavisa txionho, nguko Mkoma wata ni mtungu, a henyile ngutu, se wu khatile.

Eksodha 32:30

Mangwanani ka kona, Mosi a to womba ka vathu a txi khene: “Anu mi mahile txionho txa hombe. Hambi keto, ni na kwela ni txi ya ka Mkoma, mwendo ni na ya mana kudivalelwa ka txionho txanu.”

Masalmo 119:139

Txiviti txangu txa ni hisa nga mndilo, nguko valala vangu kha va khatali ngu mapswi ako.

1 Vafumeli 2:27

Solomoni a to humisa Abhiyatari hahanze, ku va a siswi i di mphaxeli wa Mkoma, ngu kulondisa dipswi da Mkoma, a nga ti di wombile madingano ni nyumba ya Eli, kona Silo.

Eksodha 29:9

U na sunga Aroni ngu libhande ni vanana vakwe, avale u no va ambalisa sigoko. Wuphaxeli wu na va lumba kala kupinduka. U na va u txi emisela Aroni ka wuphaxeli ni vanana vakwe.

Mitengo 16:47

Se Aroni, a to teka txiya txo hisela ka txona dibaselo, nga ti a nga leletisa tona Mosi, e tutuma eya hagari ka msengeletano; se mtungu wu ti khatile hagari ka vathu; a to thela dibaselo ha mndiloni, e maha mphaxo wo tekisa vathu.

Mitengo 25:14

Se ditina da Muisrayeli wu a nga dawa ni wamsikati wa mmidhiyani, i ti ti Ziniri, mwana Salu, wa hombe wa nyumba ya vatate va ka Simiyoni.

Nehemiya 13:29

Vaalakanye, awe Txizimu txangu, nguko va nyenyezisile wuphaxeli, ni txitumelelano txa wuphaxeli, ni txa Valevhi.

Malakiya 2:8

Kambe anu mi lekile nzila, mi mahile ti to vavangi ve leka mlayo, mi onhile txitumelelano txa Levhi, kuwomba Mkoma wa Mabutho a Tiyimbi.

Levhi 15:15

Mphaxeli a na maha mningelo wa mhamba ngu txionho, ngu txinyana tximwetxo, e maha mningelo wo hiswa ngu tximwani txinyana, se mphaxeli a na maha mhamba yo kuwula txionho masoni ka Mkoma, ya mtungu wu a ngadi nawo.

Mitengo 17:12

Vanana va ka Israyeli va to gela Mosi va txi kha vona: Athu hi fite hi txi lova, hotshethu hi na lova!