Mitengo 24:9 - Bhiblia Yo Sawuleka

⁹ A bukhwamile e baramela kufana ni ngonyamo ya matune, a txi nga ngonyamo ya mkati; i mani a no mkhukhisa kani? Va na kateka ava va ku katekisako. Se va na ruketelwe ava va mi ruketelako.”

Mitengo 24:9 Referans Kwoze

Genesisi 12:3

Ni na katekisa wule a no kukatekisa, ni ruketela wule a no kueyisa. Ngu mhaka yako, ti nava ti txi katekiswa totshe tixaka ta ha mafuni.”

Genesisi 27:29

Vathu va na kuthumele, mifumo yi na khizame masoni kwako. Maha mfumeli wa vananu, va na khizame masoni kwako vanana va mame wako. A na ruketelwe awule a no kuruketela, a na katekiswe awule a no kukatekisa.”

Genesisi 49:9

Judha njingonyamwana; u txi wuya mwanangu ngu kuxotani! Wa bukhwama a txi humula nga ngonyamo ya matune, nga ngonyamo ya matune yo kale. I mani a no mu wusa kani?

Mitengo 23:24

Wonani tito, ava vathu va wuka kufana ni ngonyamo ya makati. Va ema kufana ni matune wa ngonyamo. Yona kha yi oteli yi sanzi kumita mpfimba wa yona, ni kusela mnoha wa vale yi nga va daya.”

Matewu 25:45

Sekoko ene a na va angula a txi khene: ‘Kha ditshuri na mi gela ku khani: Yotshe mbimo yi mi nga leka ku ti maha tiya ka mmweyo wa vanathu vavadotho, ni nani kha ma ni mahela.’

Matewu 25:40

“Se Mfumeli a na va xamula a txi khene: ‘Kha ditshuri na mi gela ti to khani: Yotshe mbimo yi mi nga ti maha eto ka mmweyo wa vanathu vavadotho, mi mahete ani nipune’.

Mithumo 9:5

Se ene a to khene: “Ngawe mani, Mkoma kani?” Mkoma a txi khene: “Ngani Jesu, ngani wu awe u mu xanisako.

Masalmo 122:6

Kombelelani kudikha ka Jerusalema. Va na humelela vale va randako kudikha.

Masalmo 2:12

Khizamani masoni kwakwe, kasiku asi henyi, na nanu mi si lovi mi di ngadi ha nzila, nguko kuhenya kwakwe ka kuluveta kutura. Va katekile avale va thembako Mkoma!

Jobe 41:10

Ni wammweyo wo dangahangela kuvhuka ngwenya; i mani koko waku a nga ema masoni kwangu kani?

Eksodha 23:22

Aniko ngako u txi engisa ngu kuthembeka u txi maha totshe atile ni no kugela, sekoko ni na va ni di mlala wa valala vako ni txi wukela avale va kuphikako.

Mitengo 22:6

Ngono koko konkuwa, na ku kombela, u ta ni vhuna kuruketela vathu vava, nguko va ni mtamo ngutu ku ni pinda; no khani mwendo ni na sikota ku va daya, ni ku va tutumisa veya hahanze ka ditikoni; nguko na tiziva ti to ni wuhi wu u mkatekisako a na kateka; ni wuhi wu u mruketelako a na ruketelwa.

Mitengo 22:12

Sekoko Txizimu txi to gela Bhalahamu txi txi kha txona: “U nga tsule navo. Khu na mbi va xula evo vathu, nguko va katekisilwe.”

Mitengo 24:10

Sekoko konaho, Bhalake a to henyela Bhalahamu, kambe a pekile manza akwe; se Bhalake a to khene ka Bhalahamu: “Ni ku dhanete ku ta ruka valala vangu; aniko awe konkuwa se u va katekisile kuraru do gwita!

Isaya 31:4

Nguko Mkoma a ni gete tiya: Kufana ni kubhonga ka ngonyamo ni ka txingonyamwana, na ti di mani mpfimba wa tona, hambi ti txi rambelwa dibutho da vadyisi, kha ti dhukiswi ngu mapswi awe, hambi kututuma ngu kuthava wungi wawe. Ngu toneto, Mkoma wa Mabutho a Tiyimbi, a na txhika kuya lwela mmango wa Siyoni, ni tximangwana txa kona.

Mika 5:8

Se miboti ya ka Jakobe yi na va hagari ka matiko, hagari ka vathu vavangi, kufana ni ngonyamo hagari ka sihari sa txitinga, ku nga txingonyamoana hagari ka mitxhambi ya tinvuta, ngako txi txi pinda, txi na ti ganyatela ni ku ti phatulela, ku si maneki ni wo ti lwela.

Dhewuteronome 30:7

Mkoma, Txizimu txako, a na maha ti to otshe makhombo awa me wela txitimwi ka valala vako, txitimwi ka vale va nga txi ku bavela, avale va nga txi kuxupha.

1 Vafumeli 10:20

Kona txitimwi hale ka sikando sa mtxhanu ni tximwetxo sa madhawa mambidi, ku di ni digumi da tingonyamo ni timbidi; ku si zivi ka nga mahwa so fana niso ka mfumo ni wawumwewo.

2 Makronika 9:18

Txitulwetxo txa wukoma, txi ti ni mtxhanu wa sikando ni tximwetxo, ni txikhigelo tximwetxo txa mikondo txo mahwa ngu nzalama, se madhawa otshe a mambidi ku di ni sikhigelo kala ha ka txikhalo txa kona; ni tingonyamo timbidi ti di kumweko ni sikhigelo.

Esteri 6:13

Se Hamani a to ya txhamusela ka Zeresi, msikati wakwe, ni ka votshe vangana vakwe, totshe tile ti ngadi m'humelete. Sekoko titxhari takwe ni Zeresi, msikati wakwe, va to kha vona kwakwe: Ngako Mordhekayi wule u nga khata kuwa masoni kwakwe, i di wa liveleko la Vajudha, khu na mbi tsana masoni kwakwe; kambe ngu ditshuri a na wa masoni kwakwe.