Mitengo 24:5 - Bhiblia Yo Sawuleka

⁵ Eto ma nga tshurisa tona matenda ako awe Jakobe! Eto di nga tshurisa tona dizumbo dako awe Israyeli!

Mitengo 24:5 Referans Kwoze

Mitengo 24:4

kuwomba wule a nga pfa dipswi da Txizimu, awu a wonako siwoniso sa wa Mtamo-wotshe, awu mbimo yi awako, maso akwe ma tulekako.

Mitengo 24:6

Ngu nga sinambwana ma nga nava, yi txi nga mweto ha tikasani ka lidhonga, kufana ni mbhangani yo phawa ngu Mkoma, yi txi nga mikedhari yi ku hafuhi ni mati!

Eksodha 38:21

Ngu yiya txhatxhameto ya simaha sa kuaka ngu sona, asile si nga thumiswa ha kuakani ka ditenda do sawuleka, i ku nyumba ya wufakazi, ayi yi nga akwa ngu va ka Levhi, ngu kuleletelwa ngu Mosi, na va txi thangelwa ngu Itamari, mwanana wa mphaxeli Aroni.

Levhi 23:42

Amu ka masikuyo a mtxhanu ni mambidi, mi na zumba matendani, votshe vanana va ka Israyeli, va fanete kuzumba amu matendani.

Mitengo 2:34

Vanana va ka Israyeli va mahile totshe ti Mkoma a nga leletisa tona ka Mosi. Nguko mhaka eto, va zumbile ngu kulondetela mijeke yawe, ni kukhukha madingano ni tihunzu ta vatate vawe.

Mitengo 24:2

Se Bhalahamu a to gula maso e wona Vaisrayeli, va di zumbile ka matenda awe, ngu tinyumba tawe, se Moya wa Txizimu wu tota txitimwi kwakwe.

Dhewuteronome 33:29

Awe Israyeli u katekile! I mani a fanako ni nawe, ditiko di di nga hanyiswa ngu Mkoma, kani? Ene ngene i ku txitxhangu txi txi ku vhikelako, ditxhari di di ku ningako wundena! Valala vako va na khoziswa masoni kwako, awe u na kandetela kutiguleta kwawe.

Joxuwa 24:10

Kambe ani kha na lava kuengisa Bhalahamu; ngu toneto ene a to mi katekisa, se ani ni to mi hulukisa manzani kwakwe.

Nehemiya 13:2

nguko va ya huma ni dipawu ni mati ve hingeta vanana va ka Israyeli; aniko va to xava Bhalahamu, kasi ku e va ruketela, aniko Txizimu txathu txi phemberusile txiruko txi maha kateko.

Masalmo 84:2

Moya wangu wa navela ni kuxuva siluvelo sa Mkoma; yotshe mbilu yangu ya embelela ngu kutsaka ka Txizimu txi txi hanyako!

Ndando ya Tindando 4:7

Mndoni wangu, u tshurile ngutu, kha ku na txi txi solekako kwako.

Ndando ya Tindando 6:4

Awe mndoni wangu u tshurile nga didhoropa da Tiriza, u tshurile kufana ni Jerusalema, u xamalisa kufana ni dibutho di di ku ni m'jeke.

Malakiya 2:12

Mkoma a na tutumisa m'thu wu a mahako eto matendani ka Jakobe, wule a wonelelako ni wule a xamulako, ni wule a ningelako siningo ka Mkoma wa Mabutho a Tiyimbi.