Mitengo 24:4 - Bhiblia Yo Sawuleka

⁴ kuwomba wule a nga pfa dipswi da Txizimu, awu a wonako siwoniso sa wa Mtamo-wotshe, awu mbimo yi awako, maso akwe ma tulekako.

Mitengo 24:4 Referans Kwoze

Mtuletelo 1:17

Mbimo yi ni nga mu wona, ni to wa minengeni kwakwe, ni txi nga ni to fa. Ene a to ni sanzeka dianza dakwe da txinene, a txi ni gela ku khene: “U nga thave. Ani ngani wa kukhata ni kugwitisa,

Mtuletelo 1:10

Ngu ditshiku da Mkoma, ni to tekwa ngu Moya, se msana kwangu ni to pfa dipswi da hombe, do nga kuvetwa ka mpundu, adi di nga womba di txi kha dona:

Ezekhiyele 1:28

Kufana ni kuphatima ka wulaho wa nyazimu, ngu ditshiku da kuwa ka mati, ku ti ti phatima madhawani. Aawa i ti ti mawonekelo a kufana ni wudhundo wa Mkoma; se mbimo yi ni nga ti wona tiya, ni to wa ngu khohe yangu, kambe ni pfite dipswi da wu a nga ti ti womba-womba.

Mitengo 12:6

Se a txi khene: “Konkuwa engisani mapswi angu; ngako ku ti ni mprofeti, ani Mkoma, ni na ti wonekisa kwakwe ngu txiwoniso, ni womba-womba nayo ngu mloro.

Mithumo 22:17

“Se ku to maheka taku, na ni di wuyile Jerusalema, ngu mbimo yi ni nga ti khongela dithepeleni, ni to gulwa moyani;

Mithumo 10:19

Pedro a ti ngadi e alakanyela txiwoniso txile, se Moya wu txi kwakwe: “Wona, vavamna va vavararu va kulava.

Mithumo 10:10

Se a to pfa nzala e lava kudya, ku ti ngako va di ngadi va txi mu longisela sakudya, a to wona txiwoniso.

Masalmo 89:19

Kale u wombawombile ngu siwoniso ka sithumi sako so thembeka u txi khawe: “Ni ningile mtamo dizambi da ndena; ni fumisile dijaha, ni ngadi sawula hagari ka vathu vangu.”

1 Samuwele 19:24

Se a to thavisa syambalo sakwe, e profeta nene masoni ka Samuwele, a to zumba ditshiku dotshe ni wusiku wotshe i di tximbwiri; nga ha ku wombwako tito: Sawule nene i mmweyo wa vaprofeti kani?

Mitengo 22:31

Sekoko koneko, Mkoma a to tula maso a Bhalahamu, ti to e wona Ngelozi ya Mkoma yi di emile ha nzila, yi di ni ditxhari do hinda manzani; a to khizama e namisa khohe yakwe ha mafuni.

Mitengo 22:20

Se Txizimu txi tota koko ka Bhalahamu ni wusiku, txi txi ta kha txona kwakwe: “A ku vathu vava va tako ku ta kudhana, khukha u tsula navo, kambe awe u na ya maha ati ni no kugela tona.”

Genesisi 15:12

Mbimo yi ditambo di nga txi ya kuswani, Abramu a to ñolwa ngu wukohe, e maneka a di fenengetilwe ngu mtema wo thisa.

Genesisi 15:1

Msana ka totshe tiya, dipswi da Mkoma di tile ka Abramu, ngu txiwoniso, di txi kha dona: “U nga thave awe Abramu, ani ngani txitxhavangu txako, hakhelo yako yi na va ya hombe ngutu.”

Mitengo 24:5

Eto ma nga tshurisa tona matenda ako awe Jakobe! Eto di nga tshurisa tona dizumbo dako awe Israyeli!

Mitengo 24:15

Sekoko a to thula ndando yakwe, a txi khene: Womba-womba Bhalahamu, mwana Bheyori, kambe womba-womba mthuwe u nga tulwa maso;

1 Vafumeli 22:17

Sekoko Mikaya a to xamula a txi khene: Ni woni votshe va ka Israyeli va ti hangalakile mimangoni, nga tinvuta to pwata m'dyisi; se Mkoma a to khene: Avava kha va nga ni nyamne; mmweyo ni mmweyo a na tshumele ngu kuthutha e tsula nyumbani kwakwe.