Mitengo 24:3 - Bhiblia Yo Sawuleka

³ Se a to embelela ndando yakwe, a txi khene: “Kuhuta ka Bhalahamu, mwana Bheyori; ngu dona dipswi da m'thu wu a nga tulwa maso;

Mitengo 24:3 Referans Kwoze

Mitengo 24:16

kuwombawomba wu a nga pfa dipswi da Txizimu; awu a nga wona txiwoniso txa wule wa Mtamo-wotshe awu mbimo yi awako, maso akwe ma tulekako.

Mitengo 23:7

Sekoko Bhalahamu a to thula ndando e embelela, a txi khene: “Bhalake a ni dhani na ni di Arani, mfumeli wa Mowabhi, ngu mimangoni ka wutxani, a txi khene: Hi nga ruketela Jakobe! Ngono u ta henyela Israyeli.”

Mitengo 24:4

kuwomba wule a nga pfa dipswi da Txizimu, awu a wonako siwoniso sa wa Mtamo-wotshe, awu mbimo yi awako, maso akwe ma tulekako.

Mitengo 23:18

Sekoko Bhalahamu a to thula kambe ndando yakwe, a txi khene: “Wuka Bhalake, u engisa; riya nzeve, awe mwana Zipora!

Mitengo 22:31

Sekoko koneko, Mkoma a to tula maso a Bhalahamu, ti to e wona Ngelozi ya Mkoma yi di emile ha nzila, yi di ni ditxhari do hinda manzani; a to khizama e namisa khohe yakwe ha mafuni.

Mitengo 24:15

Sekoko a to thula ndando yakwe, a txi khene: Womba-womba Bhalahamu, mwana Bheyori, kambe womba-womba mthuwe u nga tulwa maso;

Jobe 29:1

Se Jobe a to simama ni txidinganiso txakwe, a txi khene:

1 Vafumeli 22:17

Sekoko Mikaya a to xamula a txi khene: Ni woni votshe va ka Israyeli va ti hangalakile mimangoni, nga tinvuta to pwata m'dyisi; se Mkoma a to khene: Avava kha va nga ni nyamne; mmweyo ni mmweyo a na tshumele ngu kuthutha e tsula nyumbani kwakwe.

1 Vafumeli 22:19

Sekoko Mikaya a to khene: Engisa koko dipswi da Mkoma: Ni woni Mkoma a di khahatshile ka txikhalo txakwe txa wukoma, kambe dotshe dibutho da nzumani, di ti hafuhi ni nene, ngu didhawa kwakwe ka txinene, ni didhawa kwakwe ka txibhabha.