Mitengo 24:20 - Bhiblia Yo Sawuleka

²⁰ Se mbimo yile Bhalahamu a nga wona Vaamaleki, a to thula ndando yakwe a txi khene: Amaleki ngene wo khata ka yotshe mifumo. Kambe ngu magwito ka kona, ngene a nga loviswa.

Mitengo 24:20 Referans Kwoze

Eksodha 17:14

Sekoko Mkoma a to womba ka Mosi a txi khene: “Bhala timhaka tiya amu ka dibhuku kasi ku ti maha txialakanyiso, u gela Joxuwa tito, ni na lovisa maalakanyo a Amaleki, hahatshi ka nzuma.”

Esteri 9:14

Sekoko mfumeli a to womba taku ti na mahwe toneto; se ku to humiswa txileleto kona Susani, se kutxikitwa digumi da vanana va Hamani.

Esteri 3:1

Msana keto, timhaka, mfumeli Asuwero a to kulisa Hamani, mwana Hamedhata, muagagi, se e m'guleta; e m'veka ka wukhalo txitimwi ka votshe vathangeli vale a nga ti navo.

1 Makronika 4:43

Kambe va to daya miboti ya Vaamaleki vale va nga huluka, se ve aka koneyo, kala ka ditshiku da nyamsi.

1 Samuwele 30:17

Se Dhavhidha a to va xasela, kukhukhela ni mixo kala ni minova ya mangwananani ka kona, kha ka huluka ni wammweyo, hahanze ka 400 wa majaha dwe ale ma nga gadha makamelu, me tutuma.

1 Samuwele 30:1

Ku to maheka koko taku, mbimo yile Dhavhidha ni vathu vakwe va nga hoka didhoropani ka Zikilage ngu ditshiku da wuraru, Vaamaleki va ti xasete Wulambwe ni didhoropa da Zikilage, va ti hoxotile didhoropa da Zikilage, ve di hisa ngu mndilo.

1 Samuwele 14:48

Se a to va ni mtamo ngutu, e dayela Vaamaleki, e txhatxhisa va ka Israyeli manzani ka vale va nga ti va xanisa.

Valamuli 6:3

Nguko ku ti ti maheka taku, mbimo yi va ka Israyeli va nga ti ti phaya, Vamidhiyani, Vaamaleki ni vathu va wutxani, va ti ti ta va txi ta va lwisa.

Eksodha 17:16

Se a txi khene: “Nguku dianza dakwe di nga wukela Mkoma. Mkoma a na maha yimbi yo wukela Amaleki ka liveleko ni liveleko.”

Eksodha 17:8

Sekoko Vaamaleki va to khukha va txi ya Refidhime, kasi va txi yalwa ni va ka Israyeli.

Genesisi 36:12

Elifazi, mwana Esawu, a ti ni Timina, msikati wa txikaba, awu a nga veleka nayo Amaleki. Evo mbanana va Adha, msikati wa Esawu.

Mitengo 24:7

Mati ma na khulunga ngu mabhaketi akwe, mbewu yakwe yi na nakaniswa ngu mati amangi. Mfumeli wakwe a na va wa hombe kupinda Agage. Mfumo wakwe wu na va ni mtamo.

Mitengo 24:19

Se ngu ka nyumba ya Jakobe, ku na huma mfumeli. A na lovisa votshe va va no sala mitini.

Mitengo 24:24

Se sitimela sa mabambe ka mati a Kitime, si na xanisa Asuri; kambe si na xupha Vahebheri; kuve nene a naya kulovani.

1 Samuwele 15:2

Mkoma wa Mabutho a Tiyimbi a womba tiya: Ani ni alakanyile ti Vaamaleki va nga mahela va ka Israyeli; taku vatsivela nzila mbimo yi va nga ti huma ngu Egipta.