Mitengo 24:2 - Bhiblia Yo Sawuleka

² Se Bhalahamu a to gula maso e wona Vaisrayeli, va di zumbile ka matenda awe, ngu tinyumba tawe, se Moya wa Txizimu wu tota txitimwi kwakwe.

Mitengo 24:2 Referans Kwoze

1 Samuwele 19:20

Sekoko Sawule a to rumela mitumi yo londeta Dhavhidha, avale va nga wona mtxawa wa vaprofeti va txi profeta, eho a nga ti kona Samuwele a txi vathangela; se Moya wa Txizimu wu tota txitimwi ka mitumi ya Sawule, ni vona va to profeta.

2 Makronika 15:1

Sekoko Moya wa Txizimu wu to ta ka Azariya, mwana Obhedhi.

1 Samuwele 19:23

Sekoko a to tsula Nayote, kona Rama; se Moya wa Txizimu wu to wulela kwakwe, se e tsimbila a txi profeta kala kuza e hoka Nayote, kona Rama.

1 Samuwele 10:10

Se mbimo yile va nga hoka mmangoni, mtxawa wa vaprofeti wu to huma u va hingeta; aniko Moya wa Txizimu wu to wulela kwakwe, se e profeta hagari kwawe.

Luka 10:20

Kambe, mi nga tsakeni ngu kuva mimoya yi mi thava, aniko tsakani nguko matina anu ma bhatwe nzumani.”

Matewu 10:8

Hanyisani valwali, wusani vakufa, basisani vatshekela, tovelani mimoya yo biha. Mi to ningwa mahala, na nanu va ningeni mahala.

Matewu 10:4

Simoni wa Mukanana ni Judha Iskariyoti, awu a nga ningela Jesu.

Matewu 7:22

“Ka edo ditshiku vavangi va nata womba kwangu va txi kha vona: Mkoma, Mkoma, ina athu kha ha profeta ngu ditina dako kani? Ina kha ha tovela madhimoni ngu ditina dako kani?’

Ndando ya Tindando 6:10

I mani wuwa a wonekisako ku nga wuronga, wo tshura nga mtxima, wa kuwoninga nga ditambo, wo thisa nga dibutho da yimbi di ku ni m'jeke kani?

Ndando ya Tindando 6:4

Awe mndoni wangu u tshurile nga didhoropa da Tiriza, u tshurile kufana ni Jerusalema, u xamalisa kufana ni dibutho di di ku ni m'jeke.

Mitengo 24:5

Eto ma nga tshurisa tona matenda ako awe Jakobe! Eto di nga tshurisa tona dizumbo dako awe Israyeli!

Mtuletelo 1:10

Ngu ditshiku da Mkoma, ni to tekwa ngu Moya, se msana kwangu ni to pfa dipswi da hombe, do nga kuvetwa ka mpundu, adi di nga womba di txi kha dona:

Valamuli 3:10

Se Moya wa Mkoma wu to ta txitimwi kwakwe, se a to maha mlamuli wa Israyeli, a txi huma eya yimbini; se Mkoma a to ningela Kuzani-Rezatayimi, mfumeli wa Siriya, manzani kwakwe; se dianza dakwe di to simama di wukela Kuzani-Rezatayimi.