Mitengo 24:13 - Bhiblia Yo Sawuleka

¹³ Hambi i diku Bhalake o ni ninga nyumba yakwe yi di tate ngu silivhela ni nzalama, kha ni na kuhambunyeta Mlayo wa Mkoma, ni ti mahela mbiluni kwangu ta tinene mwendo to biha; ati Mkoma a no ni gela, ngu tona eto ni no womba tona.

Mitengo 24:13 Referans Kwoze

Mitengo 22:20

Se Txizimu txi tota koko ka Bhalahamu ni wusiku, txi txi ta kha txona kwakwe: “A ku vathu vava va tako ku ta kudhana, khukha u tsula navo, kambe awe u na ya maha ati ni no kugela tona.”

Mitengo 22:18

Bhalahamu a to xamula mitumi ya Bhalake, a txi khene: “Hambi a txo ni ninga nyumba yakwe yi di tate ngu silivhela ni nzalama, lambi, na mbi ka nga hambunyeta dipswi da Mkoma, Txizimu txangu, ni maha txilo txa txidotho, mwendo txa hombe;

Mitengo 16:28

Sekoko Mosi a to khene: Konkuwa, mi na tiziva ti to Mkoma ngene a nga ni ruma kumaha totshe tiya, kambe totshe tiya kha ti humi ngu mbiluni kwangu.

1 Vafumeli 13:8

Sekoko m'thu wa Txizimu a to khene ka mfumeli: Hambi i diku wo ni ninga hafu ya nyumba yako, ni si tsuli ni nawe, kambe nga ni sidyi dipawu, hambi kusela mati ka wuwa wukhalo.

1 Vafumeli 22:14

Sekoko Mikaya a to khene: Ni xambanya ngu Mkoma a hanyako ti taku, ati Mkoma a no ni gela, ni na maha.

Mitengo 22:8

Se Bhalahamu a ti khene kwawe: Otelani wusiku wuwa, ni na mi xamula madingano ni ti Mkoma a no ni gela; sekoko vathangeli va ka Mowabhi, va to zumba ni Bhalahamu.