Mitengo 23:5 - Bhiblia Yo Sawuleka

⁵ Sekoko Mkoma a to gela Bhalahamu a ti a fanelo kuya womba, a txi khene: Konkuwa tshumela u txiya ka Bhalake, u ya m'gela ti ni tiya.

Mitengo 23:5 Referans Kwoze

Jeremiya 1:9

Se Mkoma a to nawuluta dianza, e gwesa txisofu txangu, a txi khene kwangu Mkoma: “Wona taku na veka mapswi angu txisofuni kwako.

Dhewuteronome 18:18

Wona taku ni na va tumbulukisela mprofeti wo nga awe, hagari ka vanawe. Ni na veka mapswi angu txisofuni kwakwe, se ene a na va gela totshe ti ni no m'leleta tona.

Isaya 59:21

Se ani ngu kwangu, atxiya njitumelelano txangu navo, kuwomba Mkoma: Moya wangu, wu ku txitimwi kwako, ni nga wu veka txisofuni kwako, kha wu na mbi huma txisofuni kwako, hambi ngu txisofuni ka vanana vako, mwendo ngu ka txisofu txa vatukulu vako, kuwomba Mkoma, kukhukhela konkuwa kala kupinduka.

Isaya 51:16

Ani na veka mapswi angu txisofuni kwako, ni kufenengeta ngu mtsudi wa dianza dangu, kasi kuvanga nzuma, ni kukhata mafu, ni kugela Siyoni kukhani: Anu mi vathu vangu.

Mitengo 23:16

Se mbimo yi Mkoma a nga manana ni Bhalahamu, a to m'gela ti a fanelako kuya womba, a txi khene: “Tshumela u txiya ka Bhalake, u na ya m'gela ti ni tiya.”

Johani 11:51

Ene kha womba tiya, na ti txi khukhela kwakwe apune, aniko, ngako i nga ti mphaxeli wa hombe ka dilembedo, a to profeta ti to Jesu a fanete kufela ditiko;

Luka 12:12

Nguko Moya wo Sawuleka wu na mi gondisa ka yoneyo mbimo ati mi fanelako ku ti womba.”

Mavingu 16:9

M'thu a londisa nzila ya mbilu yakwe, kambe matsimbilelo a kona a kombwa ngu Mkoma.

Mavingu 16:1

Kulongisela kuhuma mbiluni ka m'thu, aniko xamulo yita ngu txisofuni ka Mkoma.

Mitengo 22:35

Se Ngelozi ya Mkoma yi to kha yona ka Bhalahamu: “Tsula navo vathu vava, aniko i nda ya womba ati ani ni no kugela dwe. Se Bhalahamu a to tsula ni mthangeli wa Bhalake.”

Mitengo 22:20

Se Txizimu txi tota koko ka Bhalahamu ni wusiku, txi txi ta kha txona kwakwe: “A ku vathu vava va tako ku ta kudhana, khukha u tsula navo, kambe awe u na ya maha ati ni no kugela tona.”

Eksodha 4:15

Awe u na womba-womba nayo, u txi m'vekela txisofuni kwakwe mapswi awa. Ani ni na va txisofuni kwako ni txisofuni kwakwe, ni txi mi kombisa ati mi fanelako ku ti maha.

Mitengo 23:4

Se mbimo yi Txizimu txi nga manana ni Bhalahamu, ene a to khene: Konkuwa ni lulamisile siluvelo sa mtxhanu ni simbidi, ni maha mningelo ngu dirole ni hamba txitimwi ka txiluvelo tximwani ni tximwani.

Mitengo 23:6

Se Bhalahamu a to tshumela eya ka Bhalake, eya mmana a di emile hafuhi ka mphaxo wo hiswa, kumweko ni votshe vathangeli va Vamowabhi.