Mitengo 23:3 - Bhiblia Yo Sawuleka

³ Sekoko Bhalahamu a to khene ka Bhalake: Ema kona hafuhi hawa ka mphaxo kwako wo hiswa ani ni na tshuketa didhawa; mwendo Mkoma a nata woneka kwangu; se ni nata kugela ti a no ni leleta tona. Sekoko a to kwela ka wukhalo wo guleka.

Mitengo 23:3 Referans Kwoze

Mitengo 23:15

Sekoko Bhalahamu a to khene: “Zumba kona hafuhi hawa ka mphaxo wako wa kuhiswa, ani ni na ya tshangana ni Mkoma haleya.”

Mitengo 24:1

Ngako Bhalahamu a di woni ti to Mkoma a ti wona i di tinene masoni kwakwe, kukatekisa Israyeli, kha ngava ni mipimiso yo maha ngu kuhutetela, ku nga simwani sikhati; konaho a to tshembereka e wonetela txiwulani.

Levhi 1:1

Se Mkoma a to dhana Mosi, a txi womba-womba nayo amu ka ditenda da msengeletano, a txi khene:

Genesisi 22:13

Sekoko mbimo yile Abrahamu a nga gula maso, a to wona txihambana msana kwakwe, txi di khwekete ngu titxheho makhukhuni; Abrahamu a to ya teka txihambana txile, e txi ningela txi maha mhamba yo hiswa, txi txi tsiveta mwanana wakwe.

Genesisi 22:2

Txizimu txi to kha txona: “Teka mwanana wako, mwanana wako wammweyo, ene Isaake, awu u m'dhundako ngutu, u tsula ka ditiko da Moriya, ahawa u no ya mningela, u txi mmaha mhamba ya kuhiswa, ka mmango wu ni no kukomba.”

Genesisi 8:20

Nowa a to akela Txizimu txiluvelo, e teka sihari sokari ka sotshe so sawuleka, ni ka sotshe sinyana so sawuleka, a txi maha mningelo wo hiswa ha txiluveloni.

Eksodha 18:12

Sekoko Jetro, msade wa Mosi, a to teka mningelo wo hiswa ni mphaxo, a txi tsula naso ka Txizimu; Aroni ni otshe madhota a ka Israyeli va tile ve ta dya mapawu kumweko ni msade wa Mosi, masoni ka Txizimu.

Matewu 4:8

Sathani a to engeta kambe e mteka a txi kwela nayo ka mmango wo lapha ngutu, e mkomba yotshe mifumo ya ditiko, ni tithomba ta yona;

Mitengo 23:2

Bhalake koko a to maha madingano ni ti Bhalahamu a nga m'gela; se Bhalake ni Bhalahamu, va to ningela dirole ni hamba txitimwi ka txiluvelo tximwetxo ni tximwani.

Mitengo 23:4

Se mbimo yi Txizimu txi nga manana ni Bhalahamu, ene a to khene: Konkuwa ni lulamisile siluvelo sa mtxhanu ni simbidi, ni maha mningelo ngu dirole ni hamba txitimwi ka txiluvelo tximwani ni tximwani.

Mitengo 23:12

Se ene la to xamula a txi khene: “U pimisa ti to ani kha ni nga ni fanelo yo womba ti Mkoma a vekako ha txisofu kwangu kani?”

Mitengo 23:26

Kambe Bhalahamu a to xamula a txi khene ka Bhalake: “Ina kha na kugela ku totshe ti Mkoma a no womba, ani ni na ti maha kani?”

Joxuwa 24:10

Kambe ani kha na lava kuengisa Bhalahamu; ngu toneto ene a to mi katekisa, se ani ni to mi hulukisa manzani kwakwe.