Mitengo 23:26 - Bhiblia Yo Sawuleka

²⁶ Kambe Bhalahamu a to xamula a txi khene ka Bhalake: “Ina kha na kugela ku totshe ti Mkoma a no womba, ani ni na ti maha kani?”

Mitengo 23:26 Referans Kwoze

Mithumo 5:29

Aniko Pedro ni vamwani Vapostoli va to xamula, va txi kha vona: “Ti ni fanelo ngutu kuengisa Txizimu kupinda kuengisa vathu.

Mitengo 22:18

Bhalahamu a to xamula mitumi ya Bhalake, a txi khene: “Hambi a txo ni ninga nyumba yakwe yi di tate ngu silivhela ni nzalama, lambi, na mbi ka nga hambunyeta dipswi da Mkoma, Txizimu txangu, ni maha txilo txa txidotho, mwendo txa hombe;

2 Makronika 18:13

Sekoko Mikaya a to khene: Ni xambanya ngu Mkoma a hanyako, na womba totshe tile Txizimu txangu txi no ni ruma kuwomba tona.

Mitengo 22:38

Sekoko Bhalahamu a to khene ka Bhalake: Ni wone ti to ni tile hafuhi kwako; kambe na mbi sikota kuwomba kuranda kwangu. Dipswi di Txizimu txi no ni ninga kuangula ngu txisofu txangu, ngu donedo ni no di womba.

1 Vafumeli 22:14

Sekoko Mikaya a to khene: Ni xambanya ngu Mkoma a hanyako ti taku, ati Mkoma a no ni gela, ni na maha.

Mitengo 23:25

Sekoko Bhalake a to angula a txi khene: “Awe Bhalahamu, ku nga ti u si lavi ku va phosela, u nga va katekise!”

Mitengo 23:27

Bhalake a to engeta a txi khene ka Bhalahamu: “Ngono, ni ta kukomba wumwani wukhalo, mwendo Txizimu txi na tumela ku va phosela ngu kona.”

Mitengo 23:3

Sekoko Bhalahamu a to khene ka Bhalake: Ema kona hafuhi hawa ka mphaxo kwako wo hiswa ani ni na tshuketa didhawa; mwendo Mkoma a nata woneka kwangu; se ni nata kugela ti a no ni leleta tona. Sekoko a to kwela ka wukhalo wo guleka.

Mitengo 23:17

Se Bhalahamu a to tshumela eya ka Bhalake, a txi ya mmana a di emile hafuhi ni mphaxo wakwe wo kuhiswa, ni vathangeli va Vamowabhi, a di emile navo. Bhalake a to khene kwakwe: “Mkoma a ti khene txani kani?”