Mitengo 23:24 - Bhiblia Yo Sawuleka

²⁴ Wonani tito, ava vathu va wuka kufana ni ngonyamo ya makati. Va ema kufana ni matune wa ngonyamo. Yona kha yi oteli yi sanzi kumita mpfimba wa yona, ni kusela mnoha wa vale yi nga va daya.”

Mitengo 23:24 Referans Kwoze

Genesisi 49:9

Judha njingonyamwana; u txi wuya mwanangu ngu kuxotani! Wa bukhwama a txi humula nga ngonyamo ya matune, nga ngonyamo ya matune yo kale. I mani a no mu wusa kani?

Genesisi 49:27

Bhenjamini i dixolwa di di phatulako; ni mixo didya txile di nga xota, se ni minova di phaka sa kuhonyola.

Mtuletelo 5:5

Aniko didhota dimwedo di ni malatile di txi kha dona: “U nga dile. Wona, ngonyamo ya lihunzu la Judha, Mkoloti wa lixaka la Dhavhidha, yi xute, ngu konaho ya sikota kutula dibhuku ni kukwamula sixambanyo sa dona sa mtxhanu ni simbidi.”

Zakariya 12:6

Ka ditshiku donedo, ni na veka vathangeli va ka Judha va txi nga dikala di turako hahatshi ka tikhuni, ni ku nga dituro hagari ka milumbi; se ngu txinene ni txibhabha vona va na lovisa votshe vathu vale va ku madhawani kwawe, kembe Jerusalema a na aketwa ka wukhalo wakwe, kona Jerusalema kupune.

Mitengo 24:17

Ni na mmona, aniko na i si nga konkuwa; Ani ni na mmona aniko i si nga hafuhi; nyeleti yokari yi nata ngu ka Jakobe, ni ndonga yi na huma ngu ka Israyeli, kambe yi peka mihingano ya Vamowabhi, yi txi khundumusa votshe vanana va Sete.

Nahume 2:11

Wu hayi konkuwa m'bhala wa tingonyamo, ni mu si dyelako kona singonyamwana, emo yi nga txi tsimbila-tsimbila kona ngonyamo ya hombe ni txingonyamwana, ku si maneki ni wammweyo wa ku si dhukisa kani?

Amosi 3:8

Yi bhongile ngonyamo, i mani wu a na kwa mbi thava kani? A wombowombile Mkoma Txizimu, i mani a na kwa mbi profeta kani?

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

Isaya 31:4

Nguko Mkoma a ni gete tiya: Kufana ni kubhonga ka ngonyamo ni ka txingonyamwana, na ti di mani mpfimba wa tona, hambi ti txi rambelwa dibutho da vadyisi, kha ti dhukiswi ngu mapswi awe, hambi kututuma ngu kuthava wungi wawe. Ngu toneto, Mkoma wa Mabutho a Tiyimbi, a na txhika kuya lwela mmango wa Siyoni, ni tximangwana txa kona.

Mavingu 30:30

Ngonyamo, i ku ya mtamo ngutu hagari ka sihari, kha yi tshumetelwi msana ngu m'thu;

Masalmo 17:12

Va fana ni tingonyamo ti ti lavako kupfinya mpfimba wa tona ni singonyamwana si di sisate diphalani ka sona.

Dhewuteronome 33:20

Ngu didhawa da Gadhi, a ti khene; A katekile wule a endelekisako Gadhi! Ene wa humula nga ngonyamo ya makati, ayi yi phatulelako mawoko ni misungo.

Mitengo 23:25

Sekoko Bhalake a to angula a txi khene: “Awe Bhalahamu, ku nga ti u si lavi ku va phosela, u nga va katekise!”

Nahume 2:12

Ngonyamo yi ti ti phatulela asi si nga ti dingana vanana va yona, kambe yi ti ti kama makolo a sihari kasi kuya ninga tingonyamo ta mikati, ni ku tata dizumbo da yona ngu mipfimba, ni maphala a yona ngu so xotwa.

1 Vafumeli 10:20

Kona txitimwi hale ka sikando sa mtxhanu ni tximwetxo sa madhawa mambidi, ku di ni digumi da tingonyamo ni timbidi; ku si zivi ka nga mahwa so fana niso ka mfumo ni wawumwewo.

2 Makronika 9:18

Txitulwetxo txa wukoma, txi ti ni mtxhanu wa sikando ni tximwetxo, ni txikhigelo tximwetxo txa mikondo txo mahwa ngu nzalama, se madhawa otshe a mambidi ku di ni sikhigelo kala ha ka txikhalo txa kona; ni tingonyamo timbidi ti di kumweko ni sikhigelo.