Mitengo 23:17 - Bhiblia Yo Sawuleka

¹⁷ Se Bhalahamu a to tshumela eya ka Bhalake, a txi ya mmana a di emile hafuhi ni mphaxo wakwe wo kuhiswa, ni vathangeli va Vamowabhi, a di emile navo. Bhalake a to khene kwakwe: “Mkoma a ti khene txani kani?”

Mitengo 23:17 Referans Kwoze

Jeremiya 37:17

mfumeli Zedhekiya a to rumela kuya m'humisa, se mfumeli a to m'dhana ngu txihunja nyumbani kwakwe, a txi khene: Ina di nga vaho dipswi ngu ka Mkoma kani? Jeremiya a to xamula, a txi khene: Diho. E engeta a txi khene: Awe u na ningelwa manzani ka mfumeli wa Bhabhilona.

1 Samuwele 3:17

Se Eli a to khene: Dipswi muni di a nga kugela kani? Na ku kombela ti to u nga ni sisele; aniko Txizimu txi na mahe eto kwako ni ti timwani to tala, ngako u txi ni sisela mhaka yokari ka totshe timhaka tile txi nga kugela.

Mitengo 23:26

Kambe Bhalahamu a to xamula a txi khene ka Bhalake: “Ina kha na kugela ku totshe ti Mkoma a no womba, ani ni na ti maha kani?”

Mitengo 23:16

Se mbimo yi Mkoma a nga manana ni Bhalahamu, a to m'gela ti a fanelako kuya womba, a txi khene: “Tshumela u txiya ka Bhalake, u na ya m'gela ti ni tiya.”

Mitengo 23:18

Sekoko Bhalahamu a to thula kambe ndando yakwe, a txi khene: “Wuka Bhalake, u engisa; riya nzeve, awe mwana Zipora!