Mitengo 23:14 - Bhiblia Yo Sawuleka

¹⁴ Ngu koneho, a to mteka e tsula nayo thembweni ka Zofima, ngu txitimwi ka Pisiga; se konaho a to aka mtxhanu wa siluvelo ni simbidi, e ningela dirole ni hamba, txitimwi ka txiluvelo tximwani ni tximwani.

Mitengo 23:14 Referans Kwoze

Hoseya 12:11

Ina Gileyadhi hi nga ene wubihi kani? Vona kha va vhuni txilo ngu ditshuri; Kona Giligali va daya tihomu; siluvelo sawe si fana ni mimumbu ya marigwi, madhawani ka tithembwe.

Isaya 46:6

Va xakela nzalama amu ka tithavangu, ve pima silivhela ngu sikalo; va hakela mtshuli, se ene e maha txizimu, masoni ka txona va nama ve khizama.

Dhewuteronome 34:1

Sekoko Mosi a to khukha ngu libalani ka Mowabhi, a txi ya kwela mmangoni ka Nebho, txitimwi ka Pisiga, ku ku masoni ka Jeriko. Se Mkoma a to mkomba dotshe ditiko, kukhukhela Gileyadhi kala Dhani;

Dhewuteronome 4:49

ni lotshe libala li li ku wutxani, mtxhatuko ka Jordhani, kala ka Linene la Arabha, ngu didhawa da wutxani, kala ka Linene la mkovani, hahatshi ka Asidhote-Pisiga.”

Dhewuteronome 3:27

Aniko kwela txitimwi ka mmango wa Pisiga, guleta maso ako u wona mswa-ditambo, wuphemba, wulambwe ni wutxani, u wonisisa ngu maso ako, nguko khu na mbi txhatuka mnambo wa Jordhani!

Mitengo 23:29

Bhalahamu a to khene ka Bhalake: “Ni akele kona hawa mtxhanu wa siluvelo ni simbidi, u ni lulametela mtxhanu wa marole ni mambidi, ni mtxhanu wa tihamba ni timbidi.”

Mitengo 21:20

Se ngu Bhamoti veya ka mkova wu wu humako ngu thembweni ka Mowabhi, ngu tindundumani ka Pisiga, ngu didhawa da txiwulani.

Mitengo 23:13

Sekoko Bhalake a to khene ka Bhalahamu: “Na kukombela ti to hi tsule ka wumwani wukhalo, eyo u no ya va wona kona; u na wona didhawa dokari dwe, aniko khu na mbi va wona votshe; se awe u na va ruketela, u di koneho.”

Mitengo 23:15

Sekoko Bhalahamu a to khene: “Zumba kona hafuhi hawa ka mphaxo wako wa kuhiswa, ani ni na ya tshangana ni Mkoma haleya.”