Mitengo 22:8 - Bhiblia Yo Sawuleka

⁸ Se Bhalahamu a ti khene kwawe: Otelani wusiku wuwa, ni na mi xamula madingano ni ti Mkoma a no ni gela; sekoko vathangeli va ka Mowabhi, va to zumba ni Bhalahamu.

Mitengo 22:8 Referans Kwoze

Ezekhiyele 33:31

Se vona vata kwako, nga tile vathu va tisako tona kwako, ve ta khalahatsha masoni kwako kufana ni vathu vangu, kambe ve engisa dipswi dako, aniko kha va mahi txilo; va tumeletela ngu sisofu sawe, kambe timbilu tawe ti londetela ta minavelo yawe.

Jeremiya 12:2

Awe u va phayile ve zima mitwi; ve kula, ve ninga mihando. Awe u hafuhi ni sisofu sawe, aniko u kule ni timbilu tawe.

Mitengo 23:12

Se ene la to xamula a txi khene: “U pimisa ti to ani kha ni nga ni fanelo yo womba ti Mkoma a vekako ha txisofu kwangu kani?”

Mitengo 12:6

Se a txi khene: “Konkuwa engisani mapswi angu; ngako ku ti ni mprofeti, ani Mkoma, ni na ti wonekisa kwakwe ngu txiwoniso, ni womba-womba nayo ngu mloro.

Mitengo 22:7

Sekoko madhota a Vamowabhi ni madhota a Vamidhiyani, ma to tsula ni siningo so tsakisa manzani kwawe; ma to hoka ka Bhalahamu, me ya xawutela timhaka ta Bhalake.

Mitengo 22:9

Se Txizimu txi tota ka Bhalahamu txi txi ta kha txona: Mba mani vathu va u ku navo hawa kani?

Mitengo 22:18

Bhalahamu a to xamula mitumi ya Bhalake, a txi khene: “Hambi a txo ni ninga nyumba yakwe yi di tate ngu silivhela ni nzalama, lambi, na mbi ka nga hambunyeta dipswi da Mkoma, Txizimu txangu, ni maha txilo txa txidotho, mwendo txa hombe;

Mitengo 22:38

Sekoko Bhalahamu a to khene ka Bhalake: Ni wone ti to ni tile hafuhi kwako; kambe na mbi sikota kuwomba kuranda kwangu. Dipswi di Txizimu txi no ni ninga kuangula ngu txisofu txangu, ngu donedo ni no di womba.

Mitengo 23:3

Sekoko Bhalahamu a to khene ka Bhalake: Ema kona hafuhi hawa ka mphaxo kwako wo hiswa ani ni na tshuketa didhawa; mwendo Mkoma a nata woneka kwangu; se ni nata kugela ti a no ni leleta tona. Sekoko a to kwela ka wukhalo wo guleka.

Mitengo 24:13

Hambi i diku Bhalake o ni ninga nyumba yakwe yi di tate ngu silivhela ni nzalama, kha ni na kuhambunyeta Mlayo wa Mkoma, ni ti mahela mbiluni kwangu ta tinene mwendo to biha; ati Mkoma a no ni gela, ngu tona eto ni no womba tona.

1 Vafumeli 13:8

Sekoko m'thu wa Txizimu a to khene ka mfumeli: Hambi i diku wo ni ninga hafu ya nyumba yako, ni si tsuli ni nawe, kambe nga ni sidyi dipawu, hambi kusela mati ka wuwa wukhalo.

1 Vafumeli 22:14

Sekoko Mikaya a to khene: Ni xambanya ngu Mkoma a hanyako ti taku, ati Mkoma a no ni gela, ni na maha.