Mitengo 22:7 - Bhiblia Yo Sawuleka

⁷ Sekoko madhota a Vamowabhi ni madhota a Vamidhiyani, ma to tsula ni siningo so tsakisa manzani kwawe; ma to hoka ka Bhalahamu, me ya xawutela timhaka ta Bhalake.

Mitengo 22:7 Referans Kwoze

Mika 3:11

Vathangeli vawe va wila mahungu ngu kuxawa, se vaphaxeli vawe va gondisa ngu kulava txokari, vaprofeti vawe va huta ngu kulava male; kambe va ngadi va txi khigela ka Mkoma, va txi kha vona: Ina kha ngaho Mkoma hagari kwathu kani? Kha hi na mbi telwa ngu to biha ni tatimweto.

Judha 1:11

Va na ni dikhombo, nguko va tsimbila ngu nzila ya Kayini; ngu kulunzwa ngu kuhola male, va ti ningete ka manyala a Bhalahamu, se ve ti lovisa ngu kukaneta ko fana ni ka Kora;

2 Pedro 2:15

Va lekile nzila yo lulama, ve londetela nzila ya Bhalahamu, mwanana wa Bheyori, awu a nga tumela kuxengwa ngu dihelo yo mbi lulama,

Titosi 1:11

avava va fanelako kumalatwa, nguko va timeta timwaya ni votshe vathu va tona; seni kambe, ngu kulava dibhindu do mbina fanelo, va gondisa ati va si faneliko kugondisa,

Varoma 16:18

Nguko ava vo ngeto kha va thumeli Mkoma wathu Jesu Kristu, kambe va thumela masusu awe dwe; va hambukisa timbilu ta va vo divala ngu mapswi o tshamba ni kukanganyisa.

Ezekhiyele 13:19

Anu mi ni poyite hagari ka vathu vangu, ngu sevhadha ya yidotho, ni sikhwemu sa mapawu, kasi kudaya mihefemulo yi yi nga si dingani kufa, ni kuxayisa mihefemulo yile yi nga si dingani kuhanya, mi womba makuhu ka vathu vangu, va engiselako makuhu.

Isaya 56:11

Se timbwa tiya nda limito, kha ti na kukhura; vona mbadyisi vo mbi pima txilo; votshe va tshumelela tinzilani kwawe, mmweyo ni mmweyo ka matshanza akwe, mmweyo ni mmweyo ngu dakwe didhawa.

Mitengo 24:1

Ngako Bhalahamu a di woni ti to Mkoma a ti wona i di tinene masoni kwakwe, kukatekisa Israyeli, kha ngava ni mipimiso yo maha ngu kuhutetela, ku nga simwani sikhati; konaho a to tshembereka e wonetela txiwulani.

Mitengo 23:23

Nguko kha wu ngaho wurindi wo wukela Jakobe. Hambi wuñanga wo dingana kuwukela Israyeli. Yata mbimo yi ku no wombwa ngu Jakobe ni Israyeli ngu txikhati txa kona. Njitxani txi nga mbi mahwa ngu Txizimu!

Mitengo 22:8

Se Bhalahamu a ti khene kwawe: Otelani wusiku wuwa, ni na mi xamula madingano ni ti Mkoma a no ni gela; sekoko vathangeli va ka Mowabhi, va to zumba ni Bhalahamu.

Joxuwa 13:22

Nene Bhalamu, mwana Bheyori, awu i nga ti nyamsoro, vanana va ka Israyeli va mdate, ngu ditxhari, kumweko ni vale va nga dawa.

Ezekhiyele 21:21

Nguko mfumeli wa Bhabhilona a na ema mahandakanyani, ngu txitimwi ka tinzila timbidi kasi ku e hutetela; a na lota tingove takwe, a na xaxuva titerafime, a txi dhunga ni sa mndani.

Isaya 1:23

Vathangeli vako va ni eyisa, va timaha vangana va makhamba; votshe va dhunda kuxavelelwa ni kuhakelwa; kha va mahi wunene ka vo felwa ngu vaveleki, ni timhaka ta tinoni kha ti hoki masoni kwawe.