Mitengo 22:6 - Bhiblia Yo Sawuleka

⁶ Ngono koko konkuwa, na ku kombela, u ta ni vhuna kuruketela vathu vava, nguko va ni mtamo ngutu ku ni pinda; no khani mwendo ni na sikota ku va daya, ni ku va tutumisa veya hahanze ka ditikoni; nguko na tiziva ti to ni wuhi wu u mkatekisako a na kateka; ni wuhi wu u mruketelako a na ruketelwa.

Mitengo 22:6 Referans Kwoze

Mitengo 24:9

A bukhwamile e baramela kufana ni ngonyamo ya matune, a txi nga ngonyamo ya mkati; i mani a no mkhukhisa kani? Va na kateka ava va ku katekisako. Se va na ruketelwe ava va mi ruketelako.”

Mithumo 16:16

Ka dimwani ditshiku, ngako hi txi ya kukhongelani, hi to manana ni muhorana wa khumbi, awu a nga ti ni moya wa kuhuta. A ti ninga dibhindu da hombe vanyamne vakwe ngu mhaka ya kona kuhuta.

Ezekhiyele 13:6

Va wona kwa mbi nyawula ni kuhutetela ta makuhu, vale va ku kha vona: Mkoma a wombile; na kuve Mkoma kha va ruma; ve maha tile to ku na verelwe kumaheka ka tile ti nga wombwa.

Nehemiya 13:2

nguko va ya huma ni dipawu ni mati ve hingeta vanana va ka Israyeli; aniko va to xava Bhalahamu, kasi ku e va ruketela, aniko Txizimu txathu txi phemberusile txiruko txi maha kateko.

1 Vafumeli 22:13

Se awule a nga ya dhana Mikaya a to m'gela, a txi khene: Wona hawa taku, vaprofeti va manana ka dipswi dimwedo, va womba ta tinene ka mfumeli; dipswi dawe di nave dipswi dako koko, di wombe kha kwati.

1 Vafumeli 22:8

Sekoko Akabe i ku mfumeli wa Israyeli a to khene ka Josafati: A nga diho wamwamna waku a nga hi wotisela ka Mkoma; aniko ani na mnyenya nguko kha zivi ku nga profeta ta tinene ngu ngani, ndo biha dwe; i Mikaya, mwana Inila. A to khene kha Josafati: U nga wombise eto awe mfumeli.

1 Vafumeli 22:6

Sekoko mfumeli wa ka Israyeli a to sengeleta vaprofeti vo lava kudingana 400, a txi khene kwawe: Ina ni tsula mwendo ni nga tsule ku yalwa ni didhoropa da Ramoti-Gileyadhi kani? Se vaprofeti va to kha vona: Tsula nguko Mkoma a na di ningela manzani kwako awe mfumeli.

1 Samuwele 17:43

A to khene koko, Mufilista ka Dhavhidha: Ina ani no va yimbwa, aku u ni telako ni tindonga kani? Se Mufilista a to ruketela Dhavhidha ngu sizimu sawe.

Dhewuteronome 23:4

Nguko kha va mi hingeta hanzila ni sakudya ni mati, kuhumani kwanu ngu Egipta; kambe va xavile Bhalahamu, mwana Bheyori, wa kuta ngu Petori, ka Mesopotamiya, kasi ku e mi ruketela.

Mitengo 22:17

Nguko ani ni na ku mahela wudhumo wa hombe, totshe ti u no ni gela, ni na ti maha. Ngu konaho, ngono u ta ni lwela ka va vathu.”

Mitengo 22:12

Sekoko Txizimu txi to gela Bhalahamu txi txi kha txona: “U nga tsule navo. Khu na mbi va xula evo vathu, nguko va katekisilwe.”

Genesisi 27:29

Vathu va na kuthumele, mifumo yi na khizame masoni kwako. Maha mfumeli wa vananu, va na khizame masoni kwako vanana va mame wako. A na ruketelwe awule a no kuruketela, a na katekiswe awule a no kukatekisa.”

Genesisi 12:3

Ni na katekisa wule a no kukatekisa, ni ruketela wule a no kueyisa. Ngu mhaka yako, ti nava ti txi katekiswa totshe tixaka ta ha mafuni.”

Mavingu 26:2

Kuruka wo mbi na mnandu, kufana ni txinyana ni mbeluvelu si txi puruma-puruma kha kuvhuni txilo.

Masalmo 109:28

Hambi vona va txi ni ruketela, kambe awe wa ni katekisa. Valala vangu va na wiswe tingana kambe txithumi txako txi na giye.

Joxuwa 24:9

Sekoko Bhalake, mwana Zipora, mfumeli wa Mowabhi, a to khukha, a txi yalwa ni Israyeli, se a to ruma vathu va txi ya dhana Bhalahamu, mwana Bheyori kasi ku a txi ta mi ruketela.

Mika 6:5

Anu vathu vangu, alakanyani makungo a Bhalake, mfumeli wa Mowabhi, ni ti a nga mxamula Bhalahamu, mwana Bheyori, kukhukhela Sitime kala Giligali; kasi ku mi ziva wululamo wa Mkoma.

Mitengo 23:13

Sekoko Bhalake a to khene ka Bhalahamu: “Na kukombela ti to hi tsule ka wumwani wukhalo, eyo u no ya va wona kona; u na wona didhawa dokari dwe, aniko khu na mbi va wona votshe; se awe u na va ruketela, u di koneho.”

Mitengo 23:27

Bhalake a to engeta a txi khene ka Bhalahamu: “Ngono, ni ta kukomba wumwani wukhalo, mwendo Txizimu txi na tumela ku va phosela ngu kona.”