Mitengo 22:5 - Bhiblia Yo Sawuleka

⁵ Ene a to ruma mitumi kuya dhana Bhalahamu, mwana Bheyori, ditikoni ka Petori, di ku hafuhi ni mnambo, ka ditiko da vanana va maxaka akwe, a txi khene: A hi ti woneleni, nguko vaho vathu va nga khukha ngu Egipta; va fenengetile otshe mafu, ve ta aka ni kugova ngu masoni kwangu!

Mitengo 22:5 Referans Kwoze

Dhewuteronome 23:4

Nguko kha va mi hingeta hanzila ni sakudya ni mati, kuhumani kwanu ngu Egipta; kambe va xavile Bhalahamu, mwana Bheyori, wa kuta ngu Petori, ka Mesopotamiya, kasi ku e mi ruketela.

Mika 6:5

Anu vathu vangu, alakanyani makungo a Bhalake, mfumeli wa Mowabhi, ni ti a nga mxamula Bhalahamu, mwana Bheyori, kukhukhela Sitime kala Giligali; kasi ku mi ziva wululamo wa Mkoma.

Joxuwa 24:9

Sekoko Bhalake, mwana Zipora, mfumeli wa Mowabhi, a to khukha, a txi yalwa ni Israyeli, se a to ruma vathu va txi ya dhana Bhalahamu, mwana Bheyori kasi ku a txi ta mi ruketela.

Judha 1:11

Va na ni dikhombo, nguko va tsimbila ngu nzila ya Kayini; ngu kulunzwa ngu kuhola male, va ti ningete ka manyala a Bhalahamu, se ve ti lovisa ngu kukaneta ko fana ni ka Kora;

Mtuletelo 2:14

Aniko, ni ni sisolo sokari ni lavako ku si womba: U na ni vathu konaho, va londetelako gondo ya Bhalahamu, awu a nga ti gondisa Bhalake kuveka txikhuvekiso masoni ka vanana va Israyeli, kasiku ve dya tinyama ta timhamba ta sikwembu sa walo, ni kumaha wugango.

Joxuwa 13:22

Nene Bhalamu, mwana Bheyori, awu i nga ti nyamsoro, vanana va ka Israyeli va mdate, ngu ditxhari, kumweko ni vale va nga dawa.

Mitengo 23:7

Sekoko Bhalahamu a to thula ndando e embelela, a txi khene: “Bhalake a ni dhani na ni di Arani, mfumeli wa Mowabhi, ngu mimangoni ka wutxani, a txi khene: Hi nga ruketela Jakobe! Ngono u ta henyela Israyeli.”

Masalmo 105:24

Txizimu txi andisile ngutu vathu va txona, txi va ninga mtamo wo pinda valala vawe.

Genesisi 13:16

Liveleko lako ni na li maha li txi fanana ni lithulu la mafu. Ku walo wu a sikotako kubala lithulu la mafu, kufana ni toneto, kuwalo wu a no sikota kubala situkulwana sako.

Eksodha 10:15

Nguko yi to fenengeta kotshe txitimwi ka mafu, se mafu ma to phuma; se yi to dyela mwasi wotshe ha mafuni ni mihando yotshe ya mindonga, ayi yi nga ti sitwe ngu maralala; kha ka sala ni txa tximwetxo txo hanya mu ka mindonga, hambi mwasi, ka dotshe ditiko da Egipta.

Mitengo 31:8

Va to daya vamwani, kuleka vale va nga ti datwe, i ku vafumeli va Vamidhiyani, i ku Evhi, ni Rekemi, ni Zuri, ni Huri, ni Rebha, eko mtxhanu wa vafumeli va Vamidhiyani; ni Bhalahamu, mwana Bheyori, va nga m'daya ngu ditxhari.

Dhewuteronome 23:5

Aniko Mkoma, Txizimu txako, kha ti lava kuengisa Bhalahamu; kambe Mkoma, Txizimu txako, a to phemberusa txiruko txi maha txikatekiso, nguko Mkoma, Txizimu txako, a txi kuranda.