Mitengo 22:31 - Bhiblia Yo Sawuleka

³¹ Sekoko koneko, Mkoma a to tula maso a Bhalahamu, ti to e wona Ngelozi ya Mkoma yi di emile ha nzila, yi di ni ditxhari do hinda manzani; a to khizama e namisa khohe yakwe ha mafuni.

Mitengo 22:31 Referans Kwoze

Genesisi 21:19

Txizimu txi to tula maso a Hagari, se ene e wona txisima txa mati. A to ya reka mati e tata txibhembe, a txi ya ninga txifanyana txi sela.

Mithumo 26:18

Kasi kuya tula maso awe ni ku va humisa mtemani, ve wuya livaningoni, ni ku va humisa nfumoni ka Sathani, ve wuya ka Txizimu, kasiku ve amukela divalelo ya sionho, ni kuavelwa thomba kumweko ni vasawuleki ngu kukholwa ditinani kwangu.’ ”

Luka 24:31

Konaho maso awe ma to ambuluka, va txi m'ziva; aniko Ene a to mwalala masoni kwawe.

Luka 24:16

Aniko maso awe ma ti vhalekile, va si sikoti kum'ziva.

Johani 18:6

Mbimo yi Jesu a nga va gela a txi khene: “Ngani wuwa,” va to xexa ve wa ngu nyatxisane.

Masalmo 9:20

Mkoma, va dhukise, va na ti zive ti to vona mbathu dwe.

1 Makronika 21:16

Se ngako Dhavhidha a di guletile maso akwe, a to wona Ngelozi ya Mkoma, yi di ngu hagari ka mafu ni nzuma, ni ditxhari do swomolwa manzani ka yona, yi di di nawulutile txitimwi ka Jerusalema; sekoko Dhavhidha ni madhota, va ti fenengete tinguwo ta masaka, ve khizama ve namisa tikhohe hahatshi.

Mitengo 24:16

kuwombawomba wu a nga pfa dipswi da Txizimu; awu a nga wona txiwoniso txa wule wa Mtamo-wotshe awu mbimo yi awako, maso akwe ma tulekako.

Mitengo 24:4

kuwomba wule a nga pfa dipswi da Txizimu, awu a wonako siwoniso sa wa Mtamo-wotshe, awu mbimo yi awako, maso akwe ma tulekako.

Eksodha 34:8

Se koneko Mosi a to kuluveta a txi ti wisa hahatshi e khozela,

Mitengo 22:30

Mbongola yi xamula yi txi kha yona: Ina ani kha ni nga mbongola yako; ayi yi ku thumelako kugadha ka wotshe wutomi wako, kala ka ditshiku da nyamsi kani? Ina ni ti nga ku mahela tonti kani? Ene a to xamula a txi khene: “Ahim-him.”

Joxuwa 5:13

Se ku to maheka taku, ngako Joxuwa a di hafuhi ni Jeriko, a to gula maso akwe a txi wona, a to wona wamwamna wokari, a di emile masoni kwakwe, na a di ni ditxhari manzani kwakwe, se Joxuwa a to tshuketa kwakwe, a txi m'gela tiya: “U mmweyo wathu mwendo u mmweyo wa valala vathu kani?”

Joxuwa 5:14

Se ene a to khene: “Ahim-him! Aniko konkuwa nita kota mthangeli wa dibutho da Mkoma.” Sekoko Joxuwa a to khizama e namisa khohe yakwe hahatshi, a txi mkhozela, e m'gela tiya: “U lava kuwomba txani, awe Nyamne wangu, ka txithumi txako kani?”