Mitengo 22:3 - Bhiblia Yo Sawuleka

³ Se Mowabhi a to dhudhumela ngutu, ngu kuwona kutala ka vanana va ka Israyeli.

Mitengo 22:3 Referans Kwoze

Eksodha 15:15

Sekoko vathangeli va Edhomi va na dhukiswa; ka vale va mtamo ngutu va Mowabhi, va na talelwa ngu kuthava votshe vazumbi Vakanana va na guma mtamo.

Isaya 23:5

Kufana ni vavaphya va Egipta, ku nava ni kupanda ngako ku txi na pfala ta Tiro;

Masalmo 53:5

Vona va na dhudhumela ngu kuthava, kambe ku si nga ho mhaka ya kuthava, nguko Txizimu txi na hangalasa marambu a vale va ku randelako. Awe u na va xula, nguko Txizimu txi va tshuralete.

Joxuwa 9:24

Sekoko va to xamula ka Joxuwa, va txi kha vona: “Ngako kha ditshuri ku nga ziviswa ka sithumi sako taku, Mkoma, Txizimu txako, a leletete Mosi, txithumi txakwe, ti to a txi mi ninga dotshe ditiko diya, ni kufuvisa votshe vaaki va ditiko masoni kwanu, hi ni kuthava ngutu ka wutomi wathu ngu mhaka yanu. Ngu mhaka yeto, hi mahile tiya.

Joxuwa 2:24

Se va to kha vona ka Joxuwa: “Kha ditshuri Mkoma a ningete dotshe ditiko diya manzani kwathu, nguko hambi votshe vaaki va kona va gumile mtamo masoni kwathu.”

Dhewuteronome 2:25

Kukhukhela ka nyamsi, ni na khata kuthela dizowa, ni txidhukisa, ngu ngawe, otshe matiko awa ma ku hahatshi ka nzuma. Vathu va kona va na engisa nduma yako, va txi dhudhumela ngu dizowa masoni kwako, ve guma mtamo.

Nehemiya 13:2

nguko va ya huma ni dipawu ni mati ve hingeta vanana va ka Israyeli; aniko va to xava Bhalahamu, kasi ku e va ruketela, aniko Txizimu txathu txi phemberusile txiruko txi maha kateko.

Eksodha 1:12

Aniko, hambiko Vaegipta va nga ti va xupha, Vaisrayeli va manekile va txi anda ni kukula; se Vaegipta va to karateka ngutu ngu mhaka ya vanana va Israyeli.

Eksodha 23:27

Ni na rumela kuthava masoni kwako, ni na hangalasa vathu votshe kotshe amu u no maneka u txi wulela kona, kambe ni na maha ati to votshe valala vako va txi kutshuralela va txi tutuma ngu kuthava.