Mitengo 22:12 - Bhiblia Yo Sawuleka

¹² Sekoko Txizimu txi to gela Bhalahamu txi txi kha txona: “U nga tsule navo. Khu na mbi va xula evo vathu, nguko va katekisilwe.”

Mitengo 22:12 Referans Kwoze

Vaefesu 1:3

Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

Dhewuteronome 23:5

Aniko Mkoma, Txizimu txako, kha ti lava kuengisa Bhalahamu; kambe Mkoma, Txizimu txako, a to phemberusa txiruko txi maha txikatekiso, nguko Mkoma, Txizimu txako, a txi kuranda.

Varoma 11:29

Kasi siningo sa Txizimu ni kudhanwa ngu txona kha si na kutshumelela msana.

Genesisi 12:2

Ni na maha lihunzu la hombe ngu ngawe; ni na kukatekisa, ni kuninga ditina da hombe, uva ditshina da makatekwa.

Dhewuteronome 33:29

Awe Israyeli u katekile! I mani a fanako ni nawe, ditiko di di nga hanyiswa ngu Mkoma, kani? Ene ngene i ku txitxhangu txi txi ku vhikelako, ditxhari di di ku ningako wundena! Valala vako va na khoziswa masoni kwako, awe u na kandetela kutiguleta kwawe.

Matewu 27:19

Na ene a di khalahatshile ha txikhaloni ka kulamula, msikati wakwe a to rumela kuya mu gela tiya: “U nga thuke u txi ti wuleta ka mhaka ya m'thu wuwa wo lulama, nguko ni pandisekile ngutu hamnova ngu miloro ngu mhaka yakwe.”

Mika 6:5

Anu vathu vangu, alakanyani makungo a Bhalake, mfumeli wa Mowabhi, ni ti a nga mxamula Bhalahamu, mwana Bheyori, kukhukhela Sitime kala Giligali; kasi ku mi ziva wululamo wa Mkoma.

Masalmo 146:5

A katekile wule Txizimu txa Jakobe i ku m'vhuni wakwe, awule themba yakwe yi ku ka Mkoma, Txizimu txakwe,

Masalmo 144:15

Va katekile vathu va ti mahekako tiya kwawe! Va katekile vathu vava, Txizimu i ku Mkoma wawe!

Mitengo 23:23

Nguko kha wu ngaho wurindi wo wukela Jakobe. Hambi wuñanga wo dingana kuwukela Israyeli. Yata mbimo yi ku no wombwa ngu Jakobe ni Israyeli ngu txikhati txa kona. Njitxani txi nga mbi mahwa ngu Txizimu!

Mitengo 23:3

Sekoko Bhalahamu a to khene ka Bhalake: Ema kona hafuhi hawa ka mphaxo kwako wo hiswa ani ni na tshuketa didhawa; mwendo Mkoma a nata woneka kwangu; se ni nata kugela ti a no ni leleta tona. Sekoko a to kwela ka wukhalo wo guleka.

Mitengo 22:6

Ngono koko konkuwa, na ku kombela, u ta ni vhuna kuruketela vathu vava, nguko va ni mtamo ngutu ku ni pinda; no khani mwendo ni na sikota ku va daya, ni ku va tutumisa veya hahanze ka ditikoni; nguko na tiziva ti to ni wuhi wu u mkatekisako a na kateka; ni wuhi wu u mruketelako a na ruketelwa.

Mitengo 22:11

Wonani vathu va tako ngu Egipta, va fenengetile mafu! Ngono konkuwa u ta va phungeletela; mwendo na sikota ku va xula, ni txi va tutumisa mu ditikoni kwangu.

Mitengo 22:13

Sekoko Ni mixo, Bhalahamu a to wuka e gela mitumi ya vathangeli ti ti nga rumwa ngu Bhalake, a txi khene: “Tshumelani mi tsula ditikoni kwanu, nguko Mkoma wa lamba ti to ani ni tsula ni nanu.”

Mitengo 23:8

Ni na mrukisa kutxani ani, awu Txizimu txi si mrukiko kani? Ina ni nga vengela awu Mkoma asi m'vengeliko kani?

Mitengo 24:9

A bukhwamile e baramela kufana ni ngonyamo ya matune, a txi nga ngonyamo ya mkati; i mani a no mkhukhisa kani? Va na kateka ava va ku katekisako. Se va na ruketelwe ava va mi ruketelako.”

Dhewuteronome 2:7

Nguko Mkoma, Txizimu txako, a kukatekisile ka yotshe mithumo ya manza ako; kambe ene a ku pangalatile mu kutsimbilani kwako, ngu mu ka txiwula txa hombe. Mndani ka mune wa magumi a malembe, Mkoma, Txizimu txako, a ti ti ni nawe, ni txa tximwetxo tximaha kha txa pwateka kwako.

Dhewuteronome 7:14

U na katekiswa ngutu kupinda vathu votshe. Ni wammweyo wa hagari kwanu kha na mbi va i di txifule, mwendo mbwamwamna mwendo mbwamsikati, hambi sihari sako so fuywa.

Dhewuteronome 28:6

U na katekiswa mbimo yi u wulelako, u katekiswa ni mbimo yile u humako.

2 Makronika 31:10

Se Azariya mphaxeli wa hombe wa nyumba ya Zadhoki a to mu gela a txi khene: Kukhukhela mbimo ayi va nga khata ngu yona kuningela mningelo Nyumbani ka Mkoma, hi dyite, hi khura si tshumela si sala sakudya sasingi, nguko Mkoma a katekisile vathu vakwe, se ngu mamahelo eyo ku to sala sakudya sasingi ngutu.

Isaya 61:9

Se liveleko lawe li na ziwa hagari ka matiko, ni tixaka tawe ti na ziwa hagari ka vathu, votshe vale va no va wona, va na tiziva ti to i mbewu yile yi nga katekiswa ngu Mkoma.