Mitengo 21:9 - Bhiblia Yo Sawuleka

⁹ Se Mosi a to maha mnyoka wa msuku a txi wu hayeka ha phandeni: Se toneto ti to maha taku ngako m'thu a txi lumwa ngu mnyoka e wonetela mnyoka wa msuku e hanya.

Mitengo 21:9 Referans Kwoze

Vahebheru 12:2

Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.

Johani 6:40

Ngu toneto, kuranda ka Tate ngu kuwa: Wuhi ni wuhi a wonako Mwanana e kholwa kwakwe, eva ni wutomi wo mbi guma; se ani ni na mu wusa ngu ditshiku da magwito.”

2 Vafumeli 18:4

A to khundumusela siluvelo sa wukhongeli wa txihedheni, a to fayetela sithombe, e wisetela tiphande, e wilela mnyoka wa txikete wu nga ti mahilwe ngu Mosi, nguko kala ka ditshiku dileya vanana va ka Israyeli va txi ngadi ve wuhisela dibaselo ni ku wu dhana ku kha vona i Newustani.

Johani 12:32

Se nani, mbimo yi ni no va ni di guletilwe txitimwi ka mafu, ni na ndindela votshe vathu va txi ta kwangu.”

Isaya 45:22

Hundulukelani kwangu mi na hanyiswa, anu motshenu mihingano ya mafu; nguko ani ni Txizimu, kha ku na tximwani.

Varoma 8:3

Nguko ati mlayo wu nga ti tanda ngu mhaka ya dikhodho da mmidi, Txizimu txi ti mahile, ngu kurumela Mwanana wa txona, a di ni txiemo txa wuthu wa txionho, kasi ku ta xula txionho, ni ku txi abanisa kona mmidini;

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

Varoma 1:17

Nguko kululama ka Txizimu ku wonekelisilwe ka yona, kuhuma amu ka likholo, ku txi yisa likholoni, madingano ni ti ti nga bhalwa taku: “Awu a nga mahwa mlulami ngu likholo, a na hanya.”

1 Johani 3:8

Awule a mahako txionho mbwa Sathani nguko Sathani, njionhi kukhukhela makhatoni. Mwanana wa Txizimu a ti wonekisile, kasi ku ta fuvisa mithumo ya Sathani.

Zakariya 12:10

Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.

Johani 1:29

Mangwanani ka kona, Johani a to wona Jesu, a nga txi ta kwakwe, se a txi khene: “Wonani Txinvutana txa Txizimu atxi txi kuwulako sionho sa ditiko.