Mitengo 21:8 - Bhiblia Yo Sawuleka

⁸ Se Mkoma a to xamula, a txi khene ka Mosi: Maha mnyoka wo tura, u wu hayeka ha phandeni, ti to ngako m'thu a txi lumwa ngu mnyoka, e wonetela mnyoka wa msuku, kasi a na hanya.

Mitengo 21:8 Referans Kwoze

Johani 3:14

Nga kule Mosi a nga hayeka mnyoka txiwulani, kufana ni toneto nene Mwanana wa M'thu a na hayekwa,

Masalmo 145:8

Mkoma a ni wunene ni wumbilu; wa timisela kambe a ni kutsetsa.

2 Vafumeli 18:4

A to khundumusela siluvelo sa wukhongeli wa txihedheni, a to fayetela sithombe, e wisetela tiphande, e wilela mnyoka wa txikete wu nga ti mahilwe ngu Mosi, nguko kala ka ditshiku dileya vanana va ka Israyeli va txi ngadi ve wuhisela dibaselo ni ku wu dhana ku kha vona i Newustani.

Isaya 14:29

U nga tsake, awe ditiko dotshe da Vafilista, ngu kule yi nga funywa ndonga yile yi nga ti ku peka, nguko amu ka mtwi wa mnyoka ku na huma txifofo, se m'hando wa kona i nava mnyoka wo tura, wu purumako.

Isaya 30:6

Mahungu a sihari sa Wulambwe. Ka ditiko da txixaniso ni xomulo (kutako ngu ka dona mnyoka, ni mwamilambo wo tura, a purumako), va na sanzeka tithomba tawe aha ka simbongolana, ni txitimwi ka malunda a makamelu, tithomba tawe, ka vathu va va na kwa mbi bhindula txilo kwawe.

Isaya 45:22

Hundulukelani kwangu mi na hanyiswa, anu motshenu mihingano ya mafu; nguko ani ni Txizimu, kha ku na tximwani.