Mitengo 21:5 - Bhiblia Yo Sawuleka

⁵ Se vathu va to sola Txizimu ni Mosi, va txi kha vona: Ngu kutxani u nga hi humisa Egipta, kasi hi tafa txiwulani ko nga tiya kani? Nguko amuwa, kha ku na sakudya, hambi mati o sela, kambe athu hi karate, timbilu tathu ta swihala ngu sipawana sa kwa mbi vhuna txilo.

Mitengo 21:5 Referans Kwoze

Masalmo 78:19

Va to wukela Txizimu va txi kha vona: “Ina Txizimu txi nga sikota ku hi lulamisela sakudya kona txitingani muwa kani?

Mitengo 16:41

Aniko mangwanani ka kona, wotshe msengeletano wa vanana va ka Israyeli, wu to ngungurukela wu wukela Mosi ni Aroni, wu txi kha wona: “Anu mi date vathu va Mkoma.”

Mitengo 17:12

Vanana va ka Israyeli va to gela Mosi va txi kha vona: Athu hi fite hi txi lova, hotshethu hi na lova!

Eksodha 14:11

Va wombile ka Mosi va txi kha vona: “Ina ditikoni ka Egipta ku ti si nga ni maphala, eko u nga hi thavisa kasi ku hi txi ta fa mu txiwulani kani? Ngu kutxani u txi maha toneto kani? Ngu kutxani u nga hi thavisa ditikoni ka Egipta kani?

Mavingu 27:7

M'thu wu a nga khura a kandetela ni dihesa da wulombe, aniko ka nyanzale, sotshe so bava sa lombela.

Masalmo 68:6

Txizimu txa komba ka txikulungu wukhalo wa kuhanya ka wona txa txhatxhisa avale i ku vo sungwa; aniko vakanganyisi va na hanyela ditikoni ko oma.

Eksodha 16:31

Vathu va nyumba ya ka Israyeli va si ningile ditina daku i manna. I ti so nga nyasenge, wo basa, kutshamba ka sona i ti ku nga txibhubhutela txa wulombe.

Eksodha 16:15

Ngako va di si woni, vanana va ka Israyeli va wombile hagari kwawe va txi kha vona: “Njitxani txiya kani?” Nguko va si ti zivi ti to i nga va txani. Mosi a ti khene: Asiya nzakudya si Mkoma a mi ningako kuve idi mndiwo wanu.

Eksodha 15:24

Se vathu va to ngungurukela ve wukela Mosi, va txi kha vona: “Se hi na sela txani kuwa kani?”

1 Vakorinto 10:9

Hi nga dukeni Mkoma, nga vamwani va nga mu duka, se ngu toneto ve fa ngu kulumetelwa ngu minyoka.

Ezekhiyele 20:21

Aniko vanana va ni wukete, kha va tsimbila ngu sileleto sangu, kambe kha va xayisa milayo yangu, saku m'thu a txi si londeta, a na hanya ngu sona; vona va nyetisete Masabbata angu; ngu mhaka ya eto ni nga khani ni na theketa txiviti txangu txitimwi kwawe, kasi kukombisa kuhenya kwangu amu txiwulani.

Mitengo 11:20

Se nga ha mi nga kanyisa Mkoma, mi na dya nyama mtxima wotshe, kala nyama yiza yi pfhuruka ngu tithonvuni kwanu, miza mi xamuka ngu yona. Ni kambe mi dite, mi txi khanu, ngu kutxani hi nga huma ditikoni ka Egipta kani?