Mitengo 21:4 - Bhiblia Yo Sawuleka

⁴ Sekoko va to khukha mmangoni ka Hori, ngu nzila ya Linene lo Bhilivila, va txi rendeleka ditiko da Edhomi; kambe ngu kulapha ka mnava, vathu va to guma mtamo, ve rereka ngu nzala.

Mitengo 21:4 Referans Kwoze

Eksodha 6:9

Mosi a wombile totsheto ka vanana va ka Israyeli, aniko vona kha va mu engisa ngu kupandiseka, ngu mhaka ya kukarala ngu wukhumbi.

Valamuli 11:18

Ngu msana va to tsimbila ngu mu txiwulani, ve tenderuka ditiko da Edhomi ni da Mowabhi, va txi hoka Mowabhi na va txi ta ngu Wutxani. Vathu va to ya gova mtxhatuko ka Arnoni, kambe kha va wulela ditikoni ka Mowabhi, nguko Arnoni a maha muhingano ni Mowabhi.

Mitengo 32:7

Ngu kutxani anu mi thidhelisa timbilu ta vanana va ka Israyeli, kasi ku va si tsuli ka ditiko di Mkoma a nga va ninga dona kani?

Mithumo 14:22

Va ti tsimbila va txi tsanisa timbilu ta vagondiswa ni ku va laya ti to ve timisela amu ka likholo, nguko, kha vona, hi fanete kuamukela sixaniso sasingi, kasiku hi sikota kuwulela Mfumoni ka Txizimu.

Mitengo 33:41

Se va to khukha ngu Hori, veya humula Salmona.

Mitengo 32:9

Na va di hokile ka mkova wa Esikole, ve wona ditiko da kona, va to thidhelisa timbilu ta vanana va ka Israyeli, kasi ku va si tsuli ka ditiko dile Mkoma a nga ti va ningile.

Dhewuteronome 1:40

Kambe anu, tshumelani, mi tsula txiwulani, ngu nzila ya linene lo Bhilivila.”

Mitengo 20:27

Mosi a to maha madingano ni ti Mkoma a nga mleleta tona; nguko va to kwela mmangoni ka Hori, va txi wonwa ngu msengeletano.

Mitengo 14:25

Se Vaamaleki ni Vakanana va akile ngu mkovani. Mangwana anu tshumelani mi txi tsula txiwulani, ngu didhawa da Linene lo Bhilivila.”

Dhewuteronome 2:1

Konako, hi to tshembereka, hi komba kuya txiwulani, ngu nzila ya Linene lo Bhilivila, nga ti Mkoma, a nga ni leletisa tona, se amu ka masiku o tala hi to tenderuka mmango wa Seyiri.

2 Vafumeli 3:8

Se ene a nje khene hi na kwelela ngu yihi nzila kani? Ene koko a nje khene: Hi na tsula ngu nzila ya txiwulani ka Edhomi.