Mitengo 21:34 - Bhiblia Yo Sawuleka

³⁴ Se Mkoma a to khene ka Mosi: U nga thave, nguko ene ni mningete manzani kwako, ene ni vathu vakwe votshe, ni ditiko dakwe dotshe; u na maha kwakwe madingano ni ti u nga maha ka Sihoni, mfumeli wa Vaamori, awu a nga ti akile Hesibhoni.

Mitengo 21:34 Referans Kwoze

Joxuwa 8:7

Sekoko anu mi na huma ngu kubaramani, mi txi teka didhoropa; nguko Mkoma, Txizimu txanu, a na di ningela manzani kwanu.

Isaya 41:13

Nguko ani, Mkoma, Txizimu txako, ni kuñola ngu dianza dako da txinene, ni txi khani kwako: U nga thave, ani na kuvhuna.

2 Vafumeli 3:18

Kambe eto ndidotho masoni ka Mkoma; a na ningela vathu va Mowabhi manzani kwanu.

1 Vafumeli 20:28

A to bwaka m'thu wa Txizimu a txi ta khene ka mfumeli wa Israyeli: Mkoma a womba tiya: Hambiko Vasiriya va ku kha vona: Mkoma Njizimu txa mimangoni hi nga Txizimu txa mikovani, dotshe dibutho diya da hombe ni na di ningela manzani kwako, kasi u txi na tiziva ti taku ani ni Mkoma.

1 Vafumeli 20:13

Se ku to ta woneka mprofeti ka Akabe, mfumeli wa Israyeli, a txi ta khene: Mkoma a khene: U di woni dotshe dibutho diya da hombe kani? Nyamsi ni na di ningela manzani kwako, kasi u txi na tiziva ti to ani ngani Mkoma.

2 Samuwele 5:19

Se Dhavhidha a to wotisa ka Mkoma, a txi khene: Ni kwelela ni yalwa ni Vafilista kani? Ina wu na va ningela manzani kwangu kani? Se Mkoma a to khene ka Dhavhidha: Kwelela, nguko kha ditshuri ni na ningela Vafilista manzani kwako.

1 Samuwele 23:4

Sekoko Dhavhidha a to wotisa kambe ka Mkoma, se Mkoma a to mxamula, a txi khene: Khukha, relela uya Keyila, nguko ni na ningela Vafilista manzani kwako.

Valamuli 11:30

Se Jefta a to maha txixambanyo ka Mkoma, a txi khene: Ngako u txi ningela va ka Amoni manzani kwangu,

Joxuwa 10:25

Sekoko Joxuwa a to va gela a txi khene: “Mi nga thaveni txilo kambe mi nga wikeni msana; khutalani mi txi zumba mi di tsani, nguko ngu tona tiya Mkoma a no maha ka votshe valala vanu, avale mi no lwa navo.”

Joxuwa 10:8

Se Mkoma a to khene ka Joxuwa: “U nga va thave: Ani ni va ningete manzani kwako, ni wammweyo hagari kwawe kha na mbi emeka masoni kwako.”

Dhewuteronome 31:6

Tsanani miva ni mtamo; mi nga thaveni txilo, kambe mi nga dhudhumeleni masoni kwawe, nguko Mkoma, Txizimu txanu, ngene a thangelako masoni kwanu; kha na mbi mi tshotsha, kambe kha na mbi mi leka!”

Dhewuteronome 20:3

a txi khene kwawe: Engisani anu va ka Israyeli, Nyamsi tshuketani mi txi yalwa ni valala vanu; yi nga wike misana yanu; mi nga va thaveni, kambe mi nga dhudhumeleleni, hambi ku telwa ngu dizowa masoni kwawe,

Dhewuteronome 7:24

Ene a na ningela vafumeli va ona manzani kwako, se awe u na pfhita matina awe hahatshi ka nzuma: Ni wammweyo kha na mbi tsana masoni kwako, kala u va fuvisa.

Dhewuteronome 3:11

(Oge, mfumeli wa Bhasani, i ti ene ekha wa liveleko la vanyasihakate va ka Refayime a nga ti sate. A ti ti ni m'bhedhu wa simbi, awule wu nga ti ni mpimo wa mtxhanu wa mikono ni mune kulapha ka wona, ni mune wa mikono kuanama ka wona, ngu mpimo wa mkono wa vathu, ina kha wu nga diho ni konkuwa kona Rabha, m'tini ka vanana va ka Amoni kani?)

Mitengo 14:9

Mi nga ti lambiseni mi wukela Mkoma, kambe mi nga thaveni vathu va ditiko diya, nguko vona va na va kudya kwathu; kha ku nga ho amu va no ya sisala kona, nguko Mkoma ana ni nathu; mi nga thave.

Mitengo 32:4

ditiko di Mkoma a ngadi tsayisa masoni ka msengeletano wa ka Israyeli, ditiko da sifuyo; se sithumi sako si ni sifuyo.

Dhewuteronome 2:30

Aniko Seyoni, mfumeli wa Hesibhoni, kha hi tumelela ti to hi pinda ngu ditikoni kwakwe, nguko Mkoma, Txizimu txako, a hangalasile moya wakwe ni mbilu yakwe, kasi ku e mningela manzani kwako, nga ti ti nga maheka kala ni nyamsi.

Dhewuteronome 3:1

Msana ka toneto, hi to tshumela hi txi komba Bhasani. Oge, mfumeli wa Bhasani, kumweko ni vathu vakwe va yimbi, a to hi hingeta kona Edreyi, kasi ku yalwa ni nathu.

Dhewuteronome 7:17

Ngako u txi womba mbiluni kwako u txi khawe: “Mifumo yiya njayingi ngutu kupinda ani, ni nga yi xulisa kutxani kani?”

Dhewuteronome 7:18

U nga ve ni dizowa ngu vona! Alakanya kwati ati Mkoma, Txizimu txako, a nga maha ka Faro ni ka dotshe ditiko da Egipta.

Dhewuteronome 7:21

U nga dhudhumele masoni kwawe, nguko Mkoma Txizimu txako, Njizimu txa hombe, kambe njo thisa.