Mitengo 21:33 - Bhiblia Yo Sawuleka

³³ Sekoko va to phinduka ve rendekela didhawa da Bhasani; se Oge, mfumeli wa Bhasani, ni vathu vakwe votshe, va to hingeta Israyeli kona Edreyi, va txi lava kulwa navo.

Mitengo 21:33 Referans Kwoze

Joxuwa 13:12

ditikoni ka Bhasani, wotshe mfumo wa Oge, a nga ti fuma matiko a Axitaroti ni Edreyi, nguko i ti msalela wo gwitisa, wa ka Refayime. Mosi a xute kambe a tutumisile vona vafumelivo vavambidi.

Dhewuteronome 29:7

Ngako mi di hokile ka wuwa wukhalo, Seyoni, mfumeli, Hesibhoni, ni Oge, mfumeli wa Bhasani, va humile va txi ta lwa ni nathu, aniko athu hi va xute,

Dhewuteronome 1:4

atiya ti mahekile msana ka kuva a di xute Sihoni, mfumeli wa Vaamori, avale va nga ti akile Hesibhoni, ni Oge, mfumeli wa Bhasani, a nga ti akile Axitaroti, ni Edreyi.

Amosi 4:1

Engisani mapswi awa anu vavasikati va Bhasani, mi ku mi mangoni ka Samariya, anu mi xanisaka sisiwana, mi khinyavezako vo pwata, migelako vanyamne vanu mi txi khanu: Wuyisani kheno hi sela.

Ezekhiyele 39:18

Mi na dya nyama ya vanyamitamo, ni kusela mnoha wa vathangeli va mafu, tinvuta, sinvutana, vamabhongwe, ni marole, sotshe sa kunona, kona Bhasani.

Ezekhiyele 27:6

Madhavi ako ngo mahwa ngu mikusu ya Bhasani; Vasiriya va ku tshurisete ngu makwasa a tinzofu ta sitondoloni ka Ketiyini.

Isaya 33:9

Ditiko da kuma ni kupeka huwa, Libhanoni a ni tingana, a wunile, Xaroni a hindukile e fana ni txiwula, Bhasani ni Karmeli va zuzilwe.

Masalmo 68:15

Mimango ya Bhasani yi laphile ngutu! Titshoka ta yona ti gulekile ngutu!

Masalmo 22:12

Valala vavangi vo nga tikuzi ta tihomu, va ni randete; va ni randete nga tikuzi ta tihomu ta tshofu ta ditikoni ka Bhasani.

Joxuwa 13:30

mhingano wawe wu ti khukhela Mahanayime, kotshe Bhasani, ditiko dotshe da Oge, mfumeli wa Bhasani, otshe madhoropa a Jayiri ale ma ku Bhasani, i ti mtxhanu wa magumi ni dimwedo a madhoropa.

Joxuwa 12:4

Va to teka ni ditiko da mfumeli wa Bhasani, mmweyo wa msalela, wa va ka Refayime, a nga ti akile Axitaroti ni Edreyi,

Joxuwa 9:10

ni totshe ti a nga maha ka vafumeli vambidi va Vaamori, va nga ti mtxhatuko ka Jordhani, ka Seyoni, mfumeli wa Hesibhoni, ni ka Oge, mfumeli wa Bhasani, a nga ti akile Axitaroti.

Dhewuteronome 32:14

bhotela ya tihomu ta mikati ni masi a mtxhambi, ni mafura a sinvutana ni sihambana, sa kuta ngu Bhasani, ni a vamabhongwe, ni mafura a mpupu wa wunene wa fulaho; kambe u sete mnoha wa mauvha, i ku vhinya ya yinene.

Dhewuteronome 4:47

Ve teka ditiko dakwe ni ditiko da Oge, mfumeli wa Bhasani, matiko a vafumeli vava va vambidi va Vaamori, va nga ti akile ngu mtxhatuko ka Jordhani.

Mitengo 32:33

Ngu toneto, Mosi a to teka ditiko da Sihoni, mfumeli wa Vaamori, ni ditiko da Oge, mfumeli wa Bhasani, e ninga vanana va ka Rhubeni, ni vanana va ka Gadhi, ni vamwani va lihunzu la ka Manasi, mwana Josefa; ni madhoropa a dona, ni madhoropa awa ma nga ti di ranganyetile.

Masalmo 68:22

Mkoma a wombile a txi khene: “Ni na tisa ngu Bhasani valala vako, ni na va tisa ngu hahatshi ka linene.

Masalmo 135:11

Seyoni, mfumeli wa Vaamori, ni Oge, mfumeli wa Bhasani, ni votshe vafumeli Vakanana.

Masalmo 136:20

Ni Oge, mfumeli wa Bhasani; nguko lirando lakwe nda kala kupinduka!

Dhewuteronome 2:30

Aniko Seyoni, mfumeli wa Hesibhoni, kha hi tumelela ti to hi pinda ngu ditikoni kwakwe, nguko Mkoma, Txizimu txako, a hangalasile moya wakwe ni mbilu yakwe, kasi ku e mningela manzani kwako, nga ti ti nga maheka kala ni nyamsi.