Mitengo 21:28 - Bhiblia Yo Sawuleka

²⁸ Nguko mndilo wu tile ngu Hesibhoni, mxavingo wu khukhete didhoropani ka Sihoni; se wu lovisile Are, wa Vamowabhi, ni vahombe va mimangoni ka Arnoni.

Mitengo 21:28 Referans Kwoze

Mitengo 21:15

Ni kurelela mkova wuyako ka didhawa da Ara, kala kuhoka ka m'hingano wa Mowabhi.”

Amosi 2:5

Ngu koneho ni na veka mndilo ka Judha, se wona wu na heta tinyumba ta wukoma ta Jerusalema.

Amosi 2:2

Ngu toneto, na veka mndilo ka Mowabhi wu na tshokomisa tinyumba ta wukoma ta Keriyoti; se Mowabhi a na fela hagari ka diguwa da hombe, ni sidilo ni kuveta ka titshodi.

Amosi 1:14

Ngu toneto, ni na veka mndilo ka diguma da Rabha, wu na tshokomisa tinyumba tawe ta wukoma, ngu diguwa da sidilo, ka ditshiku da kulwa, ni moya wa hombe, ka ditshiku da xomulo.

Amosi 1:12

Ngu toneto, ni na veka mndilo kona Temani, se wona wu na tshokomisa tinyumba ta wukoma ta Bhozira.

Amosi 1:10

Ngu toneto, ni na veka mndilo ka diguma da Tiro, se wu na tshokomisa tinyumba tawe ta wukoma.

Amosi 1:7

Ngu toneto, na veka mndilo ka diguma da Gaza, se wu na tshokomisa tinyumba ta wukoma.

Amosi 1:4

Ngu toneto, ni na veka mndilo mitini ka Hazayeli, se wu na tshokomisa tinyumba ta wukoma ta Bheni-Hadhadi.

Isaya 10:16

Ngu toneto, Mkoma wa Mabutho a Tiyimbi, a na gomisa vale i ku vo ena hagari kwawe, se hahatshi ka wudhumo wa kona ku na tura, kufana ni kutura ka mndilo.

Valamuli 9:20

Aniko, ngako i si nga tona, wu na hume mndilo wa Abhimeleki wu txi hisa vathu va Sikemi, ni va nyumba ya Milo; wu na hume mndilo ngu ka vathu va Sikemi ni ka nyumba ya Milo, wu txi hisa Abhimeleki!”

Dhewuteronome 2:18

Nyamsi u na tshawunyeta Are, ngu mihinganoni ni Mowabhi,

Dhewuteronome 2:9

Sekoko Mkoma a ni gete a txi khene: “U nga m'vhuke Mowabhi, kambe u nga mlwise, nguko ani kha ni na mbi kuninga tximaha txa mu ditikoni kwawe. Nguko ni mningile ditiko da Are, di maha thomba ya vanana va Loti.”

Mitengo 22:41

Se ku to maheka taku, ni mixo, Bhalake e teka Bhalahamu, e kwela nayo mmangoni ka Bhamoti-Bhahali, kasi kuya wona magwito ka wugovelo wa ka Israyeli.

Mitengo 21:27

Ngu koneho vanyamavingu va ku kha vona: “Ngonani Hesibhoni! Didhoropa da Sihoni, di na akwe di tsaniswa.

Masalmo 78:63

Mndilo wu hisile otshe mazambi awe se mahorana me sala i di mabhoyi.

Isaya 15:4

Ngu kumaha keto, Hesibhoni ni Eleyale va keta; mapswi awe ma pfala kala Jahaza; ngu toneto, ava va nga xoma va Mowabhi vadila; muhefemulo wakwe wa dhudhumela mndani kwawe.

Isaya 16:12

Se ku na maheka taku, mbimo yi Mowabhi a no ti kombekisa, ngako a txi na karala ka makhalo o guleka, a txi wulela dithepeleni kwawe e khongela, kha na mbi mana txilo.

Valamuli 9:15

Se txikaye txi to womba ka mindonga yotshe txi txi kha txona: Ngako ngu ditshuri mi txi ni tota mafura kasi ku ni txi fuma txitimwi kwanu, ngonani mi ta sisala mtsundini kwangu. Ngako i si nga tona, wu na hume mndilo ngu ka txikaye, wu txi ta hisa mikedhari ya Libhanoni!