Mitengo 21:25 - Bhiblia Yo Sawuleka

²⁵ Ngu koneho, Israyeli a to honyola otshe madhoropa, e zumba ka ona a Vaamori, amu Hesibhoni ni otshe madhoropa ma nga ti hahatshi kwawe.

Mitengo 21:25 Referans Kwoze

Amosi 2:10

Kambe ni mi humisile ditikoni ka Egipta, se ni mi tsimbitisile mune wa magumi a malembe txiwulani, kasi ku mi mana ditiko da Vaamori.

Ezekhiyele 16:53

Ani koko ni na wuyisa vale va wukhumbini: Va wukhumbini ka Sodhoma ni vanana vawe vamahorana, ni wukhumbini ka Samariya ni vanana vawe vamahorana, ni tikhumbi ta wukhumbi wako;

Ezekhiyele 16:49

Wubihi wa mwananu Sodhoma ngu wuwa: Kutikulisa, kulondola sakudya, wukara wakwe ni vanana vakwe vamahorana; aniko kha zivi kuthumisa manza a txisiwana ni awule wo pwata so maha.

Ezekhiyele 16:46

Se mkomwako ngu Samariya, ene ni vanana vakwe vamahorana, a zumbako txibhabha kwako; se mnanda wako, a zumbako ka dianza dako da txinene, ngu Sodhoma ni vanana vakwe vamahorana.

Jeremiya 48:45

Avale va nga txi tutuma va to ya sisala ka mtsudi wa Hesibhoni; aniko ku so vhutuka mndilo ngu Hesibhoni, ni m'dhikila ngu hagari ka Seyoni, wu txi hisa dikhona da Mowabhi, ni mtamo wa sikarato.

Jeremiya 48:34

Ku pfate huwa ya Hesibhoni kala Eleyale ni Jahazi, ni kukhukhela Zowari kala Horonayime, di pfate dipswi dakwe, nga dirole da malembe mararu; nguko hambi mati a Nimrime, ma nava ma ti phwite.

Jeremiya 48:2

Wudhundo wa Mowabhi hi nga ngadi wona kambe; aniya Hesbhoni va mmahete txikungo, va txi kha vona: “Ngonani hi ta va fuvisa kasi va si nga ngadi vathu kambe; na nawe Madhimeni, u na hasamulwa; u na londiselwa ngu ditxhari.”

Isaya 15:4

Ngu kumaha keto, Hesibhoni ni Eleyale va keta; mapswi awe ma pfala kala Jahaza; ngu toneto, ava va nga xoma va Mowabhi vadila; muhefemulo wakwe wa dhudhumela mndani kwawe.

Ndando ya Tindando 7:4

Thamo yako yi fana ni mikhokhola yo akwa ngu makwasa a nzofu; maso ako ma fana ni mkole wa Hesibhoni, hafuhi ni txike txa Bhati-Rabhimi; thonvu yako yi fana ni mikhokhola ya Libhanoni, yi nga wonetela Dhamasku.

Dhewuteronome 2:12

Ditikoni ka Seyiri kale ka kona, ku ti akile Vahori, aniko vanana va Esawu, va to va xula, va txi va khozisa, ni ku va tekela ditiko, va txi aka makhaloni kwawe, nga ti va ka Israyeli va nga maha, va txi va tekela ditiko di Mkoma a nga va ninga, di txi maha dawe, va txi di fuma.

Mitengo 21:31

Israyeli a to aka ditikoni ka Vaamori.

Mitengo 21:26

Nguko Hesibhoni i ti m'zinda wa Sihoni, mfumeli wa Vaamori, a nga ti lwile ni mfumeli wa Mowabhi a nga ti tiho ngu kale ka kona, a txi mtekela ditiko dotshe kala Arnoni.

Valamuli 11:26

Ku na ni 300 wa malembe, na va ka Israyeli va di akile kona Hesibhoni ni sidhoropanani ka kona, Aroweri ni sidhoropanani ka kona, ni ka otshe madhoropa awa ma ku mabambe ka mnambo wa Arinoni. Ngu kutxani u nga mbi mtekela otshe matiko awa mndani ka ona malembe awa kani?

Mitengo 32:3

Atarote, ni Dhibhoni, ni Jazeri, ni Ninira, ni Hesibhoni, ni Eleyale, ni Sebhani, ni Nebho, ni Bheyoni,

Joxuwa 24:8

Sekoko ani ni mi wuyisile mi txi ta wulela ditikoni ka Vaamori, ava va nga ti akile mtxhatuko ka Jordhani, vona va lwile ni nanu, kambe ani ni va ningete manzani kwanu, kala kuza mi txi teka ditiko dawe, se ani ni va lovisile masoni kwanu.