Mitengo 20:8 - Bhiblia Yo Sawuleka

⁸ Teka ndonga, u dhana msengeletano, awe ni mnanda wako Aroni, mi txi randela dirigwi diya, mi txi womba-womba ka vathu; dirigwi di na humisa mati a dona. Se awe u na va ninga mati a mu ka dirigwi; u txi ninga msengeletano wu sela, kumweko ni sifuyo sa wona.

Mitengo 20:8 Referans Kwoze

Eksodha 4:17

Awe u na ñola ndonga yiya manzani kwako, u txi maha sikombiso ngu yona.”

Mtuletelo 22:17

Moya ni txiwutwa va womba va txi kha vona: “Ngono!” Awule a engisako a na wombe nene a txi khene: “Ngono!” Awule a ku ni ditora, a na te. Awule a ti lavako a na amukele mahala mati a wutomi.

Isaya 43:20

Sihari sa txitinga si na ni thumela, maxolwa ni vanana va mbuwu, nguko ni na thela mati txiwulani, ni minambo ligwangwani, kasi ku vathu vangu ve mana kusela, ka msawuleki wangu.

Mtuletelo 22:1

Msana keto, ngelozi yi to ni komba mnambo wa mati a wutomi, o khetima nga kristali; wu txi huma ngu ka txikhalo txa wukoma txa Txizimu ni txa Txinvutana.

Mithumo 1:14

Vona votshe va ti simama ve khongela ngu mbilu yimweyo kumweko ni vavasikati vokari, ni Mariya mame wa Jesu ni vanawe.

Johani 16:24

Kala konkuwa, kha mi nzi kukombela txilo ngu ditina dangu. Kombelani, mi na hiwa, kasiku litsako lanu li tatiseka.

Luka 11:13

Ngu toneto, eko hambi anu, mi ku vabihi, mi zivako kuha sa sinene vanana vanu, ngutu-ngutu Tate wa nzumani a na pindisa ngutu kuninga Moya wakwe wo Sawuleka, ka vale va mkombelako!”

Matewu 21:21

Jesu a xamute a txi khene: “Kha ditshuri na mi gela ku khani: Ngako mi di ni likholo, mi si kanakani, kha mi na mbi maha dwe, ati ni nga maha ani ka mkuwu wuwa, hambi idiku mi khanu ka mmango wuwa: ‘Khunuka eho u txi ti tshotsha lineneni’, ti na maheka.

Isaya 48:21

Se Jakobe asi nga ni ditora, mbimo yile a nga mtsimbitisa ngu txiwulani; a to mkhulongisela mati ngu mu ka dirigwi; e bhandisa marigwi, se mati me pfukula ngu konemo.

Masalmo 114:8

txi nga hindula siwindi si maha maziva a mati ni marigwi me maha sisima sa mati.

Masalmo 105:41

Txi to tula dirigwi, ku txi huma mati, ma txi khulunga txiwulani nga mnambo.

Masalmo 33:9

Nguko a to womba, se sotshe si maheka; a to ruma, se sotshe si humelela.

Nehemiya 9:15

Se u va ningile sakudya sa nzumani kasi kuve mana kumalata nzala yawe, ni mati o huma dirigwini kasi ku tima ditora dawe. Kambe u va leleta kuve wulela ve teka ditiko dile u ngadi gulela dianza u txi khawe u na va ninga.

Joxuwa 6:20

Vathu koko va to kwangula, na vaphaxeli va txi veta titshodi; se ku to maheka taku, mbimo yile vathu va nga pfa kutuma ka titshodi, va to kwangula ngu kukwangula ka hombe; se diguma di to wa hahatshi, vathu ve wulela didhoropani, mmwani ni mmwani ngu ha a nga ti rendekete kona, va to teka didhoropa.

Joxuwa 6:5

Se ku na maheka taku, ku txi vetwa ngu kulaphisa tshodi ya litxheho la hamba, na mi txi pfa diguwa da tshodi, votshe vathu va na kwangula ngutu; diguma da didhoropa di na wa hahatshi, se vathu va na wulela ka dona, mmwani ni mmwani ngu kona hale a nga rendekela kona.”

Mitengo 21:18

Awe txisima u nga kelwa ngu vathangeli, a txi txi nga kelwa ngu tinganakana ta vathu, ngu tindonga tawe). Va to khukha txiwulani va txi ya Matani.

Mitengo 21:15

Ni kurelela mkova wuyako ka didhawa da Ara, kala kuhoka ka m'hingano wa Mowabhi.”

Mitengo 20:11

Sekoko Mosi a to gula diandza dakwe e peka dirigwi sikhati simbidi ngu ndonga yakwe, mati ma to pfhuruka, kuhuma mati o tala. Msengeletano wu to sela kumweko ni sifuyo sa wona.

Eksodha 17:9

Konako Mosi a wombile ka Joxuwa, a txi khene: “Sawula vavamna kasiku, mangwana u nata huma u txi yalwa ni Vaamaleki; ani ni na zumba txitimwi ka mmango ni ndonga ya Mkoma manzani.”

Eksodha 14:16

Awe, guleta ndonga yako, u txi nawuluta dianza dako, u txi di komba txitimwi ka linene, u txi li abanisa, ti to vanana va ka Israyeli va txi tsimbila mu ko oma, ngu hagari ka linene.

Eksodha 7:20

Se Mosi ni Aroni va mahile nga ti Mkoma a nga va rumisa tona. Ene Aroni a to guleta ndonga, e peka mati a mnambo, ma to txitxeka ma txi maha mnoha.

Eksodha 4:20

Mosi koko, a to teka msikati wakwe ni vanana vakwe a txi va gadhisa mbongola a txi tshumela a txi ya ditikoni ka Egipta. Mosi a to teka ndonga ya Txizimu a txi yi ñola manzani kwakwe.

Eksodha 4:2

Se Mkoma a to khene ka Mosi: “Njitxani etxo u ku natxo manzani kwako kani?” A to xamula a txi khene: “I ndonga.”

Genesisi 18:14

Ina txi ho txo tandeka ka Mkoma kani? Ka dilembe di di tako, ngu yona yiya mbimo, ni na wuya kambe kwako, se Sara a na va a di ni mwanana wa dizambi.

Mitengo 20:7

Mkoma a to gela Mosi a txi khene: