Mitengo 20:6 - Bhiblia Yo Sawuleka

⁶ Sekoko Mosi ni Aroni va to khukha ka msengeletano ve tsula txihunjani, ha ditimbani ka ditenda da msengeletano, va txi yawa hahatshi ngu tikhohe tawe. Se kuphatima ka Mkoma ku to woneka kwawe.

Mitengo 20:6 Referans Kwoze

Mitengo 14:5

Sekoko masoni ka wotshe msengeletano wa vanana va ka Israyeli, Mosi ni Aroni va to khizama, va txi wa hahatshi ngu tikhohe tawe.

Mitengo 16:45

Khukhani hagari ka msengeletano wuwa, ni na wu lovisa ngu mbimwanyana; sekoko Mosi ni Aroni va to wa hahatshi ngu tikhohe tawe.

Mitengo 16:22

Se vona va towa ngu tikhohe tawe, ve dila, va txi kha vona! Awe Txizimu! Txizimu txa mihefemulo ya nyama yotshe! Ina wa so henyela wotshe msengeletano, ngu mhaka ya txionho txa m'thu mmweyo kani?

Mitengo 16:19

Se Kora a to tshanganisa msengeletano wa vathu vakwe votshe, ha txikeni ka ditenda da msengeletano, konaho kuphatima ka Mkoma ku to woneka masoni ka wotshe msengeletano.

Mitengo 16:4

Mbimo yi Mosi a nga engisa mahungu awa, a towa hahatshi ngu khohe yakwe,

Matewu 26:39

Se a di tshuketile kule nyana, a to ti wisa hahatshi, ngu mbanza, na a txi khongela, a txi khene: “Tata wangu, ngako ti txi koteka, digombe diya di na pinde kule ni nani; aniko, ti nga maheke nga kuranda kwangu, ti na maheke nga ti Awe u ti lavisako tona.”

1 Makronika 21:16

Se ngako Dhavhidha a di guletile maso akwe, a to wona Ngelozi ya Mkoma, yi di ngu hagari ka mafu ni nzuma, ni ditxhari do swomolwa manzani ka yona, yi di di nawulutile txitimwi ka Jerusalema; sekoko Dhavhidha ni madhota, va ti fenengete tinguwo ta masaka, ve khizama ve namisa tikhohe hahatshi.

Joxuwa 7:6

Sekoko Joxuwa a to vharula syambalo sakwe, a txi namisa khohe yakwe ha mafuni, masoni ka dibhokiso da Mkoma, kala ni minova, ene ni madhota a ka Israyeli; kambe va to ti vhungela dikhuma ha misungoni kwawe.

Mitengo 16:42

Se mbimo yi vathu va nga tshangana ve wukela Mosi ni Aroni, va to tutumela kuya ditendani ka msengeletano, konaho ku to woneka direfu di txi va fenengeta, ni wudhundo wa Mkoma wu to woneka.

Mitengo 14:10

Sekoko wotshe msengeletano wu txi lava ku va balisela ngu marigwi; konaho, ku to humelela kuphatima ka Mkoma, ku txi ta fenengeta ditenda da msengeletano, masoni ka votshe vanana va ka Israyeli.

Mitengo 12:5

Sekoko Mkoma a to txhika ngu ka phande ya direfu, a txi ta ema ha txikeni ka ditenda; msana keto, a to dhana Aroni ni Miriyamu, se va to huma ngu wumbidi wawe.

Eksodha 17:4

Se Mosi a to khongela ka Mkoma, a txi khene: “Ni na maha txani ngu vathu vava kani? Ko sala kudotho, va lava ku ni balisela ngu marigwi.”

Eksodha 16:10

Mbimo yi Aroni a nga ti womba-womba ka msengeletano wotshe wa vanana va ka Israyeli, va to tshembereka va txi wona didhawa da txiwulani, aha ku nga humelela mu direfuni wudhumo wa Mkoma.

Mitengo 20:7

Mkoma a to gela Mosi a txi khene: